Ayat-ayat Alkitab Ternama dari Mege Gaya 6

Bagikan

Asi ka kana lhebun, kana lnglungan, kana knkela, kana beyax su gmaalu Utux Tmninun, Utux Baro su.

Kiya uri ma kdrmtani tmgesa ka laqi su. Ani ga tleung sapah, ga mkkesa elu, trqeraq ma, mtutuy we pspegi kana.

Peeniq bale lhebun namu ka kari rnengo mu yamu nii.

Israel! Qbahang ka yamu! Utux Tmninun, 1 ba Bukung, kiya ka Utux ta Baro.

Asi ka pskryanun mekuy baga, ssmalu pniqan kari ka kduruk su.

Ptsani eruc sapah su ma bobo rhengun alang.

Isu we kcugi ka Utux Tmninun, Utux Baro su. Thmkui ka heya ma, pooda ngayan na smdehu.

Utux Tmninun, Utux Baro su maha dmudul isu mpremux dxeral bbege na isu pnsdehu na rdrudan su Abraham, Yijxaq ma Yakobu. Niqan paru ma malu ba alang ka hiya. Nii ge uxe su pnheyu. Stenge lmlamu malu qyqeya ka spsapah we, uxe isu gmnutu. Niqan ka saun bubul qsiya hiya we, uxe su knari. Niqan ka qnpahan lipas ma qnpahan curung we, uxe su pnhmaan. Meekan su ma mpktengi su uri. Isu we qlahang bale. So su uxe chngiun ka Utux Tmninun dmnudul isu mnlatac peeyah dxeral Micrayim nngalan sapah tnqliyan su.

“Ttgesa na yamu ka rnengo Utux Tmninun, Utux Baro namu ka gaya pndakar, kari pndakar ma, gaya bneku nii. Kiya ka ppuyu namu moda da meniq dxeral ngngalun namu hiya. So maha miicu Utux Tmninun, Utux Baro su kana kndesan daha ka isu ma lqlaqi laqi su. Thei kana kari pndakar ma gaya bneku na. Kiya ka wada mu srengo isu. So maha mpqbsiyaq muudus kndeesan su.

Asi su ka qpahun ka msderux ma malu noda meniq doriq Utux Tmninun. Kiya ka maangal su qnbleyaq mpremux mangal malu dxeral sntangan Utux Tmninun rdrudan su.

Ado Utux Tmninun, Utux Baro gaga ckceka su we Utux Baro pnugaya ba qnnaqah. Nhuwa mseang quri isu ka Utux Tmninun, Utux Baro su de, phqilun su na peeyah bobo dxeral da.

Iya snegul thmuku duutux icil. Kiya ka duutux mtqiri knkingal seediq.

Iya psseung Utux Tmninun, Utux Baro namu. Mntena so nniqan namu Masah hiya.