Ayat-ayat Alkitab Ternama dari Isikiel 34

Bagikan

Üpwe kütta chokewe mi pöütüla o aliwini chokewe mi malechela, üpwe filiti kinasen chokewe mi kinas o apöchöküla chokewe mi apwangapwang, nge üpwe arosala chokewe mi öümanau o pöchökül, pun ngang eman chon mas mi föri mine a pwüng.

Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.

Pun iei aloi ngang Kot ewe Samol mi Lapalap: Püsin ngang üpwe kütta nei sip kana o tümwünüür.

Iwe, püsin ngang üpwe chon masen nei sip kana, üpwe kütta eu leni ia ra tongeni asösö ie. Ngang Kot ewe Samol mi Lapalap üa kapas.

Pun ämi nei sip kana, üa folenikemi ämi nei aramas, nge ngang ämi Kot,” iei alon Kot ewe Samol mi Lapalap.

“Nöün aramas, kopwe osuni usun feiengauen ekewe sounemenem, ir ekewe chon masen Israel, kopwe osuni usur o üreniir, pwe iei aloi ngang Kot ewe Samol mi Lapalap: Feiengauemi, ämi chon masen Israel, pun oua püsin tümwünükemi. Ifa usun, sap wisen chon mas pwe repwe tümwünü sip?