Ayat-ayat Alkitab Ternama dari Isikiel 33

Bagikan

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Nge en, nöün aramas, üa awisa ngonuk wisen eman chon mas fän iten chon Israel. Iteiten fansoun, lupwen kopwe rongorong eu kapasen fön seniei, kopwe fönöör ren.

Iwe, are kopwe fönöü eman chon föföringau pwe epwe kul seni an föföringau, nge esap kul seni, ätewe epwe mäla pokiten an tipis, nge en kopwe amanaua manauom.”

Nge are ewe chon mas a küna pwe chon oputer ra war, nge esap apu ewe säwiin asilesil pwe aramas resap silei usun, ätewe a tipis ngeni manauen eman me eman aramas mi mäla ren. Iwe, ir repwe mäla lon ar tipis, nge ewe chon mas epwe angei chappen an tümwününgau.

Iwe, a rongorong puun säwi, nge esap aleasochisi, iei mine a püsin tipis ngeni manauan. Nge are epwe aleasochisi, epwe amanaua manauan.