1
रोमी 1:16
बाघली सराज़ी बोली दी पबित्र शास्त्र
OSJ
किल्हैकि मुंह आसा खुशीए समादा दी पूरअ भरोस्सअ। परमेशरे तैहा शगती करै भेटअ सोभी उद्धार ज़ुंण खुशीए समादा दी विश्वास करा, पैहलै यहूदी अर तिंयां बी ज़ुंण यहूदी निं आथी।
Bandingkan
Telusuri रोमी 1:16
2
रोमी 1:17
एऊ खुशीए समादा करै बणाआं परमेशर हाम्हां आप्पू संघै धर्मीं; अह हआ शुरू का खिरी तैणीं विश्वासा करै, ज़िहअ पबित्र शास्त्रा दी लिखअ द बी आसा, “सह ज़ुंण परमेशरै विश्वासा करै धर्मीं बणाअं सह रहणअ सदा ज़िऊंदअ।”
Telusuri रोमी 1:17
3
रोमी 1:20
असली दी निं इना संसारे आछी करै शुझदअ कि परमेशर किहअ आसा, अर एऊ संसारा बणाणें ज़मानैं ओर्ही तेऊए कामां भाल़ी सका हाम्हैं समझ़ी कि परमेशर किहअ सर्वशक्तिमान आसा, इहअ निं कोहै बोली सकदअ, “हाम्हैं निं परमेशरा ज़ाणदै आथी।”
Telusuri रोमी 1:20
4
रोमी 1:21
इधी तैणीं कि तिन्नां का आसा थोघ कि परमेशर किहअ आसा, पर तैबी निं तिंयां परमेशरो अदर करदै, नां तिंयां तिन्नां गल्ला आद डाहंदै ज़ुंण तेऊ तिन्नां लै किई पर एता का लाऊआ हआ परमेशरे बारै ऐडी गल्ला सोठदै लागै दै। तिन्नें बेसमझ़ सोठ आसा सारी गलत।
Telusuri रोमी 1:21
5
रोमी 1:25
किल्हैकि तिन्नैं बणाअं परमेशरो सत्त बदल़ी करै झ़ुठअ, अर तिन्नैं किई परमेशरे बणाईं दी च़िज़े च़ाकरी अर च़ाकरी नां कि तेऊ संसार बणाणैं आल़ै परमेशरे च़ाकरी किई ज़ुंण सोभी बणाणैं आल़अ आसा अर ज़सरी हाम्हां सदा ज़ै-ज़ैकार लागा करनी। एवमस्तू।
Telusuri रोमी 1:25
6
रोमी 1:18
परमेशरो रोश्श, हआ तिन्नां सोभी लोगा लै स्वर्गा का प्रगट ज़ुंण तेऊओ अदर नांईं करदै अर ज़ुंण पाप कर्म करा। सह रहैऊआ तिन्नां का कि तिंयां तिन्नां भेटणीं सज़ा। किल्हैकि तिन्नैं किअ पाप, तिन्नैं डाही होरी लोगा का बी परमेशरो सत्त च़ोरी।
Telusuri रोमी 1:18
7
रोमी 1:26-28
तैही दैनै परमेशरै तिंयां च़िल़्हखरै कंज़रैईए काम करदै छ़ाडी, इधी तैणीं कि तिन्नें बेटल़ी बी बदल़अ आपणअ बभार ज़ुंण तेऊ असली सभाबा का उंबल़अ आसा तिन्नैं छ़ाडअ आपणैं लाल़ै संघै सुत्तणअ अर तिंयां लागी आप्पू मांझ़ै कंझ़रदी। तिहै ई मर्ध बी आसा आपणीं बेटल़ी संघै सुत्तणै छ़ाडी लागै दै आप्पू मांझ़ै कंझ़रदै। होर ता होर मर्ध आसा लागै दै मर्धा संघै आप्पू मांझ़ै कदुष्ट कामां करदै। इना शर्मिंदै करनै आल़ै कामां लै आणा तिंयां आप्पू लै घोर सज़ा ज़ुंण तिन्नां भेटी बी लोल़ी। ज़ांऊं तिन्नैं परमेशर बछ़ैणनअ ऐडी गल्ल समझ़ी, तैही छ़ाडै परमेशरै बी तिंयां तिन्नां सोभी उंबल़ै कामां करना लै तिन्नें निक्कै मन्नें बशै।
Telusuri रोमी 1:26-28
8
रोमी 1:22-23
तिंयां गऐ आप्पू लै बडै समझ़कार समझ़ी ऐडै बणी, अर तिन्नैं किई अमर परमेशरे प्रतप्पा छ़ाडी खतम हणैं आल़ै मणछ, च़ेल्लू-पखीरू, च़ऊ ज़ांघा हांढणै आल़ै अर रिंगणै आल़ै ज़ीबे मुहुर्तीए च़ाकरी।
Telusuri रोमी 1:22-23