Ayat-ayat Alkitab Ternama dari ईशायाह 49

Bagikan

“बिधाता दैनअ तिन्‍नां लै ज़बाब, ‘इहअ निं हई सकदअ कि माआ आपणैं दुधा झुटदै शोहरू बिस्सरी पाऐ अर आपणैं ओदरा का हुऐ दै शोहरू लै झींण निं करे! माआ ज़ै आपणैं शोहरू बिस्सरी बी पाए, पर हुंह निं तम्हां कधि बिस्सरदअ आथी।

एरुशलेम, हुंह निं ताह कधि बिस्सरदअ! मंऐं आसा तेरअ नाअं आपणैं हाथे नथअई दी डाहअ द लिखी।

“बिधाता बोला तज़ी बी इहअ, ‘ज़ाथी च़ाल्‍लअ इहअ ई हई, शूरबीरे हाथा का छ़ड़ैऊंणी लुटी दी च़िज़ा ओर्ही! अर नर्दैई मणछे कैदखानै का हणैं कैदी आज़ाद, ताह बाखा मकाबलै लै हणअ हुंह आप्पै अर तेरै शोहरू-माठै आणनैं मुंह बच़ाऊई।

“बिधाता बोलअ मुल्है इहअ, ‘मेरै दास, मंऐं आसा ताल्है एता का बी बडअ काम डाहअ द। अह आसा थोल़ी ज़ेही गल्‍ल कि तूह याकबे आद-लुआद इज़राईली झाल़े ज़ुंण देशा-देशा मांझ़ै ज़िऊंदै आसा बच़ै दै, पर मुंह बणाणअं तूह होरी सोभी देशा लै प्रैश्शै ज़िहअ ताकि सारअ संसार बच़ी सके।’

सरग! गिहा बोल, पृथूई, ज़ोरै-ज़ोरै बोली मनाऊं खुशी! बडै-बडै पर्बता दैआ ज़ोरै-ज़ोरै ज़ै-ज़ैकार करनै! बिधाता दैणीं आपणीं परज़ा लै शांती, तेऊ करनीं आपणीं परज़ा लै झींण ज़ुंण दुख-तकलिफी दी आसा।