Ayat-ayat Alkitab Ternama dari मूल़ 24

Bagikan

आबरामे दासै किई एही प्राथणां, “हे मालक, तूह आसा सह बिधाता ज़सरी च़ाकरी अब्राम करा। आझ़ लोल़ी मेरअ काम हुअ अर मुंह लोल़ी इसहाका लै आझ़ लाल़ी भेटी।

तूह दैऐ इहअ हणैं कि, नगरीए इना शोहरी का मांगणअ मुंह झुटणा लै पाणीं, ज़ै कुंण शोहरी मुल्है पाणीं दैए, तै मांगणअ मुंह तेखअ आपणैं ऊँटा पणैऊंणा लै बी पाणीं ज़ै सह ऊँटा लै बी पाणीं पणैऊंए, तै समझ़ूं हुंह इहअ कि तंऐं आसा सह शोहरी छ़ांटी दी अर तंऐं हेरअ मेरै मालक इसहाको काम करी।”

इसहाकै निंईं सह डेरै लै ज़िधी तेऊए ईज साराईओ खिम्भ हआ त, संघा किअ तेऊ रिबका संघै बैह। सह झ़ूरअ तैहा लै खास्सअ, इहअ करै हुअ आपणीं ईजा ज़ांऐं हणैंओ तेऊओ दुख हल़कअ।

रिबका लै बर्गत दैई बोलअ तिन्‍नैं इहअ, “तेरी लोल़ी खास्सी आद-लुआद हुई अर तिन्‍नैं लोल़ी आपणैं दुशमणे नगरी पठी गिम्मी।”

संघा खा परमेशर बिधाते सोह ज़ुंण स्वर्ग अर पृथूईओ मालक आसा कि तूह निं मेरै शोहरू इसहाको बैह इधी इना कनानी लोगे शोहरी संघै करी। “पर तूह डेओऐ मेरै आपणैं तेऊ देशा लै ज़िधी हुंह हुअ ज़ल्मअ द आसा, संघा आणै मेरै शोहरू इसहाका लै मेरै आपणैं रिश्तैदारा मांझ़ा का लाल़ी लोल़ी।”