Ayat-ayat Alkitab Ternama dari लुआह 3

Bagikan

परमेशरै बोलअ मोसा लै, “हुंह आसा सदा रहणैं आल़अ, तूह बोलै इज़राईली लै, हुंह छ़ाडअ तेऊ बिधाता तम्हां सेटा लै ज़सरअ नाअं ‘हुंह आप्पै’ आसा अर ज़हा थारै दाद-बाब आबराम, इसहाक अर याकब मना तै। “मेरअ अह नाअं आसा सदा लै अर अह आसा सह नाअं ज़ुंण सोभी लोगा एभा पोर्ही बोल़णअ ज़रूरी आसा।

तेखअ बोलअ परमेशरै मोसा लै इहअ, “ऐहा गल्‍लो डाह तूह निहंचअ हुंह रहणअ ताह संघै आप्पू। ताह छ़ाडणैं आल़अ आसा हुंह एतो थोघ लागणअ ताखा तेभै, ज़ेभै ताह मेरै लोग मिसर देशे गलामी का छ़ड़ैऊई आणनैं, तेखअ करनी तिन्‍नां एऊ ई देशै एछी मेरी च़ाकरी।”

परमेशरै बोलअ मोसा लै, “इधी निं नेल़ एछै, आपणैं खूरे पोलल़ै खोल्ह पोर्ही, ज़िधी तूह खल़्हुअ द आसा सह ज़ैगा आसा पबित्र।

तेखअ बोलअ बिधाता मोसा लै, “मंऐं भाल़ै कि मेरै आपणैं लोग मिसर देशै गलामी दी किहै दाह-दुख ज़िरदै आसा लागै दै। ज़ेऊ साबै तिन्‍नां संघै बर्ताअ आसा हंदअ लागअ द, तेता लै आसा तिंयां मुखा लैल़-पकार पाई मज़त मांगदै आसा लागै दै, मुखा आसा तिन्‍नें दाह-दुखो थोघ, तैही होथअ हुंह उंधै कि तिन्‍नां मिसरी लोगा का छ़ड़ैऊई आणू। “मुंह काढणैं आपणैं लोग मिसर देशा का तेऊ रज़दै-पज़दै देशा लै ज़िधी रज़दी-पज़दी ज़िम्मीं ज़ैगा आसा, मतलब तैहा ज़ैगा ज़िधी, कनानी, हित्ती, अमोरी, परिजी, हिब्बी अर जबेशी आसा बस्सै दै।

तिधी हुअ ज़ल़दै कांडे झ़ाकल़ा दी बिधातो एक स्वर्ग दूत प्रगट। मोसा भाल़अ दूरा का ज़िहअ उझै कि झ़ाकल़ै आग ता आसा लागी दी पर दझ़दअ निं सह आथी।

ऐबै लाअ मंऐं तूह मिसर देशे माहा राज़ै सेटा लै छ़ाडी कि तूह मेरी इज़राईली परज़ा मिसर देशा का छ़ड़ैऊई आणे।”