Ayat-ayat Alkitab Ternama dari लुआह 2

Bagikan

परमेशरै शूणीं तिन्‍नें लेरा-पकारा। परमेशर निं आबराम, इसहाक अर याकबा संघै किई दी आपणीं करारा बिस्सरुअ। परमेशरा का थिअ इज़राईलीए हालतो थोघ अर तेऊ किई तिन्‍नां लै झींण।

खास्सी साला बाद हुअ इहअ कि मिसर देशो राज़अ मूंअ। इज़राईली मणछ लागै गलामी दी कठण नोकरी करदी मज़ती लै लेरदै-पकारदै

ज़ांऊं सह शोहरू धख बडअ हुअ, तैहा निंयं सह मिसर देशे माहा राज़ेए देई सेटा लै अर तैहा बणाअं सह आपणअ गोदी पूत अर तैहा डाहअ तेऊओ नाअं इहअ बोली मोसा, “मंऐं आसा काढअ द अह पाणीं जैंदरा का।”

माहा राज़ेए देई बोलअ तैहा का, “एऊ शोहरू लै पणैऊं तूह दुध अर हुंह दैंऊं ताल्है तेते मज़दूरी।” शोहरूए ईजै निंयं सह घअरा लै, संघा लागी तेऊ का दुधा पणैंऊंदी।

तैहा बगती आई मिसर देशे माहा राज़ेए देई नील नदीए बाढै न्हैऊंदी अर तेसे साथणीं ज़ुंण तेसे दासी ती, तिंयां लागी दरैअए बाढै हांढदी-फिरदी। ज़ांऊं राज़ेए देई का कछैरे घाहा जैंदरी सह छ़ाब्बअ शुझुअ, तैहा बोलअ आपणीं दासी लै तेऊ छ़ाब्बै पाणीं जैंदरा का बागै काढणा लै।

ज़ांऊं मोसा ज़ुआन हुअ, सह डेऊअ तिधा लै ज़िधी तेऊए आपणैं भाई-बंध कठण-कठण काम करा तै। तिधी भाल़अ तेऊ इहअ कि एक मिसर देशो मणछ आसा एकी इब्रानी मणछा च़िक्‍कदअ लागअ द। मोसा भाल़अ फेर कि कोहै निं आथी भाल़अ लागअ द, तेखअ पाअ तेऊ सह मिसर देशो मणछ मारी संघा डाहअ रेता जैंदरी दाबी।