Ayat-ayat Alkitab Ternama dari इफिसी 5

Bagikan

तम्हैं आसा परमेशरे पैरै लान्हैं, थारअ सभाब लोल़ी तिहअ हुअ ज़िहअ तेऊओ आसा। आपणीं ज़िन्दगी ज़िऊआ होरी लै झ़ूरी करी, ज़ेही मसीहा हाम्हां लै झ़ूरी किई ज़ुंण आप्पू ई थारै पाप दूर करना लै बल़ीदान हुअ। परमेशर त खुश किल्हैकि सह बल़ीदान त तेऊ लै खुशबूदार तेला ज़िहअ।

तैही डाहणअ ऐहा गल्‍लो खैल कि तम्हैं केही ज़िन्दगी ज़िऊआ। बेसमझ़ ज़िहै निं रहा समझ़कार हआ। एऊ मोक्‍कै समझ़ा भलाई करना किम्मती, किल्हैकि ईंयां धैल़ै आसा बूरै।

शूर-शराब झुटी करै राल़ै-मताल़ै निं हआ, किल्हैकि एता करै हआ मणछ नशर्म अर लापरबाह। पर परमेशरे आत्मां दैआ आपणीं ज़िन्दगी दी काम करनै। ज़ै तम्हैं पबित्र आत्में बशै होए, तै करनअ आप्पू मांझ़ै भज़न अर परमेशरे स्तोती करना लै गिहा बोली अर होरी गिहा बोल्दै लागी ज़ुंण पबित्र आत्मां खोज़ा, अर आपणैं-आपणैं मन्‍नैं रहणअ प्रभू सम्हनै गिहा बोल्दै अर स्तोती करदै लागी। सदा करनअ सोभी गल्‍ला लै म्हारै प्रभू ईशू मसीहे नाओंऐं बाब परमेशरो शूकर।

तैही निं बेसमझ़ हआ पर धैन लाई समझ़ा कि प्रभू तम्हां लै किज़ै बोला करना लै।

ओ मर्धो, आपणीं-आपणीं लाल़ी संघै करा झ़ूरी, ज़िहअ मसीहा बी विश्वासीए टोली संघै झ़ूरी करी आप्पू ई हुअ तिन्‍नां लै बल़ीदान।

तम्हैं थिऐ पैहलै न्हैरै दी ज़िन्दगी ज़िऊंदै लागै दै, पर ज़धा ओर्ही तम्हैं परमेशरे लोग हुऐ, तम्हैं आसा ऐबै प्रैश्शै दी। तम्हां लागा ऐबै तिन्‍नां ज़ेही ज़िन्दगी ज़िऊंणीं ज़ुंण प्रैश्शे आसा।

एकी दुजे डरा हेठै रहअ मानदारी संघै किल्हैकि हाम्हैं करा मसीहो अदर।

ओ बेटल़ीओ, आपणैं-आपणैं मर्धे डरा हेठै रहा एही कि तम्हैं समझ़ै इहअ कि प्रभूए डरा हेठै आसा।

पर अह गल्‍ल आसा तम्हां लै बी, तम्हां मांझ़ै करै हरेक ज़ण्हअ आपणीं लाल़ी संघै आप्पू ज़ेही झ़ूरी, तैही रहणअ मणछ आपणैं ईज-बाब छ़ाडी आपणीं लाल़ी संघै मिली, अर तिंयां दुहै हणैं एक देही। लाल़ी बी लोल़ी कि सह आपणैं मर्धे डरा हेठै रहे।

ज़िहअ पबित्र शास्त्र बोला, “मर्ध रहणअ आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।”

तम्हैं निं न्हैरे पापी कामां दी साझ़ू हआ ज़ेता का किछ़ै फल निं भेटदअ। पर लोगा का रहैऊआ इना कामां कि ईंयां आसा बूरै।