“बिधाता आसा थारै दाद-बाब आबराम, इसहाक अर याकबा संघै एही करार किई दी कि तेऊ दैणीं अह ज़ैगा तम्हां लै। ऐबै पजैल़णैं तेऊ तम्हैं तैहा ज़ैगा अर तम्हां लै दैणीं तेऊ बडी-बडी नगरी अर तेथ शोभली-शोभली कोठी, ज़ेता लै थारी किछ़ै मैन्थ निं आथी लागी दी। बधिया-बधिया च़िज़ा करै भेटणैं तम्हां घअर भरी, तिंयां च़िज़ा बी निं आथी तम्हैं तेथ झाल़ी डाही दी। तिधी दैणैं बिधाता तम्हां लै कुहै ज़ुंण तम्हैं निं कोतै, दाख अर जैतूने बाग, तिंयां बी निं आथी तम्हैं लाऐ दै। पर ज़ेभै तम्हैं इना च़िज़ा खाई करै रज्ज़ी जाए, तेभै निं तम्हैं ऐहा गल्ला बिस्सरुई आथी कि सह आसा बिधाता ज़ुंणी तम्हैं गलामी का आज़ाद किऐ अर मिसर देशा का इधी पजैल़ै।