Ayat-ayat Alkitab Ternama dari VAROMA 12

Bagikan

Muvuli khulondakhu mwiima kwa vandu vu mu shivala shinu; navutswa leshi Nyasaye amukalukhanyinyi mu mioyo chienyu mukari, khu mumanye lienya lia Nyasaye, mukhole malahi, ka ahuchililanga khandi maseletse.

Khulwa yako, vasuuvili vashianje, musayanga numuyaanza, khuvirila khu tsimbavasi tsia Nyasaye mwihaane ni mivili chienyu khuli shihanwa shiu musango kuli mwoyo khu Nyasaye, kuli mutakatifu khandi kumuyaanzitsanga. Nakhwo khusaala khwatoto khuye.

Mwikhoyele lisuuvilitswa lienyu, mwikhutsili mu matiinyu, khandi mutsililile khusaala.

Vutamanu vuvuli khumukuura; navutswa khutukha mukuuri vutamanu numukhola malahi.

Muyaanzane vene khuvene khuli vasuuvili, khandi muheelelane luyali.

Vuyaanzi khutukha vuve vwatoto. Lekhani ni vindu vitamanu; navutswa mutsililile khukhola malahi.

Muchelitsi khuli vene munyala, mumenye mu milembe na shia mundu wosi.

Valina vaanje, muvuli khuvanzila; navutswa lesheli Nyasaye ave neye unyala khuvanzila. Mahandiko Matakatifu kavoolanga, “Mwami Nyasaye avoolanga, Ninzi uliitsa khuvanzila; Ninzi uliitsa khurunga.”

Muvuli khukaarahala mu likhola mihinzilu chienyu; navutswa mukhole mihinzilu ni tsingulu. Murumishile Mwami nu mwoyo ku khwihaana kwosi.

Khulondokhana khu tsimbavasi tsia Nyasaye yandolela, mbolelanga shia mulala khu munyi avuli khwivukula khuva nu vunyali khuvira khuli yenyekhanga ave nali; navutswa yivukuli mwene mu vwichehitsi khulondokhana khu lisuuvila lia Nyasaye yamuha.

Muvuli khuvanzila vutamanu khu vutamanu; navutswa muchelitsi khukholela shia mundu wosi malahi.

Muvukulane vulahi vene khuvene. Muvuli khwilolakhu; navutswa muhambane na vandu vavula shindu shiosi shia vatiilakhu. Muvuli khukanakanakhu muli nu vusitsa khuvira vandi.

Nikhali, khuli Mahandiko Matakatifu kavoolanga, “Niiva inzala yaleka mutsiku wowo, muhe shiukhulia; niiva ali nu vuluhu, muhe shiang'wa; shichila nukhola ndio, uliitsa khuva numulombanga khuva ni tsisoni tsinyishi, khuli mandaa kakhanga mulilu khuye.”

Mukasitse yavo vamutambitsanga; muvakasitse, navutswa muvuli khuvalaama. Muve nu vuyaanzi na yavo vali nu vuyaanzi; khandi mwikhule na yavo vikhulanga.

Mukavane shia muli nashio na vandu va Nyasaye veshie vali vamanani, khandi mwinjilitsi vacheni mu tsingo tsienyu.

Mmbili kuli ni vivelo vinyishi, khandi shia shivelo shikholanga muhinzilu kwenyekhanga kukholwi. Khulwa yako, khali niiva khuli vanyishi, khuli mmbili mulala mu Kristo; khandi khwahambanyinywa shia mulala khu weshie khuli vivelo vili khu mmbili mulala.