Dequide chi uluxa utoxtiltu nna, rátteba Jesús Simón biꞌini láguaba Pedro:
—Simóni xiꞌini Jonás, ¿si racaruinlu quia atti ca biꞌini seꞌe ni?
Pedro becabibi rábi:
—Bila. Lu nna gua yuxeabalu, xa Benni bananie neti, gua racabatia guelu.
Jesús re biꞌiniha:
—Biyú ca carneꞌe quia-na ganna.
Bedequi dacabe re biꞌiniha attu libe:
—Simóni xiꞌini Jonás, ¿si gua raquinlu quia?
Pedro becabibi rábi:
—Bila. Lu nna gua yubalu, xa Benni bananie neti, gua racabatia guelu.
Jesús re biꞌiniha:
—Biyú ca carneꞌe quia-na ganna.
Nu beyonna libe re biꞌiniha:
—Simóni xiꞌini Jonás, ¿si gua raquinlu quia?
Pedro nna siꞌirurba benbi lania, cumu nía beyonna libe rá Benniha bi, ¿si gua raquinlu quia?
Laniala nna rábi Benniha:
—Lu nna iyába yulu, xa Benni bananie neti. Gua yuxeabalu neti nna gua racabatia guelu.
Jesús re biꞌiniha:
—Biyú ca carneꞌe quia-na ganna.