Ayat-ayat Alkitab Ternama dari Efesians 4

Bagikan

Make una dey good to one anoda; dey sorry for pipol and dey forgive each oda, just as God forgive una thru Christ.

Make una dey get pity for one anoda with kwayetnes, gentolness and patient, bikos of di love wey una get.

Make una nor allow any bad word kom out from una mout, but make una word dey give poor pipol hope, so dat e go bless pipol wey hear am.

Una must stop to get bad belle; to dey vex; kworel and to dey tok bad-bad word.

If una dey vex, make una nor sin and make day nor dark still meet una dey vex. Make una nor give di devil any shance.

Koncerning di kind life wey una dey live before, wi sey make una trowey dat bad spirit wey dey make una do bad-bad tins and make una dey tink betta tins for una mind. Den, true raitiousness and holiness wey di trut dey bring, make una wear di new man wey God don kreate like ensef.

Make una dey do evritin wey una fit do to keep di unity wey di Spirit dey give, as una dey live togeda for peace.

Na Christ make some among us bi apostles, profets, evangelist, pastors and tishas. Christ do like dis to prepare us for di ministry work, wey go make God church grow, so dat wi go bi one for di tins wey wi bilive and wey go make us really know God Pikin. Den, wi go dey tink like Christ.

So make wi nor bi like shidren wey breeze dey karry up-and-down; shidren wey dey follow yeye tins wey human being dey tish and na dis tins dem dey take deceive pipol. But, as wi dey do wetin dey good and korrect with love, wi go dey grow for evry side kon meet Christ wey bi di head.