Ayat-ayat Alkitab Ternama dari Aroma 16

Bagikan

Nnu'ngu' ywa amani aalu'a kunni'bata Ibilisi pai' ya magu'lu' gako kiyu'ngu'ya. Ngu'ngu' ya Bwana witu Yesu Kilisitu ibe pamope na mwenga.

Mwaalongo bangu' ninkong'ondelya mwiili'ndi'le na bandu babaleta mataukano no bi'ka iku'balo nnu'ngi' yinu bu'kana na mayi'gano gamuyi'ganilwe. Bandu bo mwibi'ke kuutalu nabo.

Bandu kati bo bantumikiali Bwana witu Kilisitu, ila bakota maminyikio gabe bene. Batumya milongelo inannoga no baya makowe gaganogelya li'nga kwaakonga bandu alalo.

Nnu'ngu' akwi'yi'lwe, ywembe ngaywawesa kumpanga mwenga panga mwakangamala muimani yinu kwo pi'tya mu Abali Inannoga ya Yesu Kilisitu, yanaaialike kasinu. Abali yo patumbu yaatiiyilwa. Lakini nambi'yambi' iyo yo iumukulilwe no tanganikwa kwo pi'tya Maandiko Mapeleteu ga alondoli, bu'kana na amuli ya Nnu'ngu' wa milele, li'nga mataipwa goti gawese kumwu'bi'lya na kunnyu'wa. Kwa Nnu'ngu' ywabile kisake nga mwene ikima yoti, ywembe nga ywo kwi'yi'lwa milele kwa ndi'la ya Yesu Kilisitu! Amina.