Ayat-ayat Alkitab Ternama dari Baroma 4

Bagikan

Ne khufukiilila khweewe sikhwamuwamo ta, namwe s'ekanakana sheesi Wele amulomela ta. Akhali eloosela khutsowa mu khufukiilila khweewe, nga abuyila Wele, nga amanya bulayi busa ari, Wele akhaakhole isho sheesi amulomela.

Nga shisharonebwa ni shiloma shiri, “Naakhukalusile iwe khuuba umukuuka uwe kamanaambo kamakali.” Nashiryo khusuubisa ukhwo khuli khulayi mu moni tsya Wele, isi Ibulayimu afukiilisamo. Wele uyo niye ulamusa baafu, nalundi niye ukila bibiindu abe bibikhaliwo ta, byabawo.

Kristu uyo bamwiira khulwe bibyonako byeefwe, ne lwanyuma Wele wamulamusa khukhwaama mu bafu, ari nio akile khube bakwalaafu isi Wele.

Ibulayimu aba ni khufukiilila nalundi waba ni khukhwiyikina, shakila wekyela umukuuka uwe kamanaambo kamakali. Nga shisharonebwa ni shiloma shiri, “Babetsukhulu boowo nabo baliba bakali.”

Shino nisho shishikila khusuubisa khwesi Wele akhola khwemikha khu khufukiilila. Nio khusuubisa khweesi Wele akhola isi babetsukhulu ba Ibulayimu khube nga khwemikhile khu bweela bweewe, ne akhali isi abo babaloondelela kamakaambila ta. Ne shino seshikholikha isi abo babaloondelela kamakaambila bonyene ta, ne ni isi abo boosi babafukiilila nga Ibulayimu n'afukiilila, khulwekhuba niye ali umukuuka uweefwe fweesi.

“Bali ni tsikhabi abo beesi beyakhila bibyonako byaabwe, abo beesi Wele arusawo bibyonako byabwe. Nga ali n'ikhabi uyo isi Umukasya alibala nga ukhali ni bibyonako ta.”

Bibyaronebwa bikhosefu biloma biryeena? Sibiloma biri, “Ibulayimu afukiilila mu Wele, nio khulwe khufukiilila khweewe mu Wele, wabalibwa khuuba umukwalaafu.”