Ayat-ayat Alkitab Ternama dari Baroma 3

Bagikan

Khulwekhuba babaandu boosi bayonaka, nalundi si bashiile ni khufuna shiriifwa shishaama isi Wele ta. Babaandu boosi bakwalaasibwa ni shiwaanwa she bubweela bwa Wele, khubirira mu buwonesi, nga nibwo buli mu Kristu Yezu.

ne bukhosefu bwa Wele bunyolikhanila mu khufukiilila mu Yezu Kristu. Wele akhola shino isi abo boosi babafukiilila mu Kristu akhali khuromboola ta.

Uyo niye isi Wele arumana ari bare khufukiilila mu niye, nio asikule babaandu nga araambisa kamafuki keewe. Shino shakholekha khukhwokesanisa bukhosefu bwa Wele. Khulwekhuba khaale, lwe khukhwikhaliilikha khweewe, Wele abe siwayinaanayo khu byonako bye babaandu ta. Ne mu mbuka iye aluno ari, shili she khuwandalasa khuri Wele umweene ali umukhosefu, nalundi abo boosi babaali ni khufukiilila mu Kristu, Wele abekyesa bakhosefu.

Khulwekhuba imbaawo umuundu yeesi ulibalibwa ari ali umukhosefu mu moni tsa Wele, khulwe khukhola byeesi kamakaambila kaloma ta. Sheesi kamakaambila kakhola, nikhwo khukhumanyisa ifwe bubwonaki nga ni buli.

Nga bibyaronebwa ni biloma biri, “Imbaawo umuundu na mutweela uli umukhosefu ta, imbaawo na mutweela ta; imbaawo na mutweela uli umukyesi ta. Nalundi imbaawo na mutweela uwisaaya Wele ta. Boosi bashuukha barura isi Wele; boosi bayonaka. Imbaawo na mutweela ukhola bulayi ta; imbaawo akhaba na mutweela ta.

Khulwekhuba khwawandalasa khuri umuundu ekyela umukwalaafu khulwe khufukiilila, ne shili khulwe khukhola byeesi kamakaambila kaloma ta.

Seshinyalikha taawe. Wele ali ni khuuba uwa ŋali, abe ikhaba nga buli mundu akhaba umubeeyi. Nga shisharonebwa ni shiloma shiri, “Uli ni khukhwokesana uri uli umukwalaafu khubirira mu lomo tsoowo; nalundi uli ni khufuura kumusaango kwoowo nga balikho bakhuwotsesa.”