Ayat-ayat Alkitab Ternama dari Proverbios 23

Bagikan

Itꞌé ti chájan jína tjejó la imá tso̱chéhe̱. Ti chónta chojni ijnko xjan nohe la tso̱chéhe̱ sin.

Kanhñó chrókjuénka̱yáxian kixin chróchonta itsjé nkehe tjete; chrókꞌuitjáñahan kaín tíha.

Ndá ti ó tsjixin la chaxín jína tsjácha kixin ti nkehe jína tjechohén la tsꞌitjáñahña.

Chrókóchji̱no̱xiánhña ti nkehe ichꞌe ti chojni tjasin ijie̱. Ícha jína nkochríxín chrókjuíkosáyehé Itꞌéni Díos.

Chrokui̱toéhya chrókjuenduehé ti xja̱an kixin ti tjatexian xjan ntasé ó la tsꞌenxínhña xjan tíha.

Chrokꞌuitjá jína kaín ti nkehe jína xrako̱ha la ko chrókuihín ti itan jína.

Ti tsotsjehé jína, la tsꞌikuan kixin kohya ti nkehe tjete, tíha la tjoka tsjaká sátsji éxi ijnko kotjua̱nhnko.

Chrokuihín ti nkehe tꞌe̱to̱an itꞌá, ti nkexro kꞌuaxrjeníxian, la kjónté ó chrókónána ti ìná la chróchontehé tjan kjuasàya.