Արդյո՞ք դու գիտես, որքան կարևոր է ունենալ հոգևոր առաջնորդ: Հոգևոր առաջնորդությունը մերժելը նշանակում է մերժել Տեր Հիսուսի դրած կարգը։ 
Առանց առաջնորդության մարդը կարող է հեշտությամբ խաբվել ու շեղվել ճշմարտության ճանապարհից։ Հոգևոր առաջնորդը անձնուրաց կերպով կպաշտպանի քեզ քո կյանքում առկա հոգևոր վտանգներից։ Երբ հոգևոր առաջնորդը հնազանդ է Աստծուն և գործում է Տիրոջ կամքի մեջ, նրան չհնազանդվելը ապստամբություն է Աստծու դեմ։ Գիտե՞ս արդյոք, թե որքա՜ն կարևոր է ճիշտ ու հմուտ հոգևոր առաջնորդ ունենալը։ Հոգևոր առաջնորդի ծառայությունից է կախված քո հոգևոր ընթացքը և հոգևոր աճի ու հասունության մակարդակը։
Յուրաքանչյուր հոգևոր առաջնորդ հաշիվ է տալու Աստծուն իր կողմից առաջնորդված հավատացյալների հոգևոր ընթացքի համար։

Հոգևոր առաջնորդ ունենալու կարևորությունը

Տեր Աստծու լույսը Նրա ճշմարտությունն է: Աստված, Իր Միածին Որդուն ուղարկեց աշխարհ, որպեսզի մարդիկ չմնան խավարի մեջ, այլ լուսավորվեն աստվածային ճշմարտությամբ։ 
Ընդունի՛ր Աստծու Լույսն ու Ճշմարտությունը և կապրես իրական ազատության մեջ։ 
Տիրոջ ներկայության մեջ ուրախություն ու ցնծություն կա։
Տերը Իր ներկայության մեջ ապրող մարդկանցից ակնկալում է զոհաբեր սիրտ ու զոհաբեր գործեր։ 
Աստծուն ուղղված մեր երգերը մեր գոհության ու երախտագիտության դրսևորման կերպերից մեկն են։ Երգով մենք արտահայտում ենք մեր ցնծությունը, քանի որ ընդունել ենք Տեր Աստծու փրկությունը։ Երգը Աստծուն ուղղված մեր պաշտամունքի կարևորագույն բաղադրիչներից մեկն է։

Քաջալերանքներ 43-րդ սաղմոսից

Ի՞նչպես կանցկացնեիք Ձեր կյանքի վերջին շաբաթը։ Հիսուսի՝ որպես մարդ երկրի վրա անցկացրած վերջին շաբաթը լի էր հիշարժան պահերով, մարգարեություններով, անհատական աղոթքներով, խորը քննարկումներով, խորհրդանշական գործերով և աշխարհափոխ իրադարձություններով։ Զատկին նախորդող Սուրբ Շաբաթվա յուրաքանչյուր օրն անցկացրեք՝ բացահայտելով այ Սուրբ տոնին առնչվող Աստվածաշնչյան պատմություններով։

Զատկի պատմությունը

Առանց հավատքի չկա փրկություն։ Իսկ փրկարար հավատքը միայն և միմիայն կարող է հիմնված լինել Տիրոջ փոխանցած ուսուցումների վրա, որոնք մեզ հասանելի են դառնում հե՛նց Աստվածաշնչի շնորհիվ։ 
Աստվածաշունչը բացարձակ ճշմարտության միակ Աղբյուրն է: 
Եթե որևէ մեկը իրեն հավատացյալ է համարում, ապա պետք է փափագ ունենա նմանվելու Տեր Հիսուսին։ 
Աստվածաշնչին հավատացող մարդը թույլ է տալիս Աստծու Խոսքը փոխակերպի   իր միտքն ու վարքագծը, արժեհամակարգը: Աստվածաշունչն ընդունող մարդը դառնում է Աստծուն հոգով և ճշմարտությամբ երկրպագող աշակերտ։ 
Եթե մենք մեր  որոշումները կայացնենք Աստծու կամքին համապատասխան, ապա մեզ սպասում են Տիրոջ օրհնություններն ու պարգևները։

Աստվածաշնչի օրհնությունները քո կյանքում

Աստված սիրում է քեզ և քո կողքին է քեզ օգնելու համար։ Համարձակությամբ մոտեցի՛ր Նրա շնորհի աթոռին։ Աղոթքով գնա՛ Տիրոջ առջև ու քո գոհության և երախտագիտության փառաբանությունը մատուցի՛ր Նրան։ Նաև խնդրի՛ր օգնություն քո իրավիճակի համար։
Քո արժեքը չի որոշվում մարդկանց ունեցած վերաբերմունքով։ Քո արժեքը միայն Աստված կարող է որոշել, և Նա քեզ շատ թանկ է գնահատել։  
Հնազանդությամբ ապացուցված կենդանի հավատքը դուռ է բացում քո կյանքում Տեր Աստծու գործելու համար։ 
Աստված քեզնից հոգևոր աճ, հասունություն և ամրություն է ակնկալում, որին հասնելու համար մենք պետք է դառնանք աշակերտներ։ 



Զրույց «Քո հրաշքն՝ ամեն օր»-ի ընթերցողի հետ

Սովորենք Դանիելից և նրա ընկերներից հավատարիմ և հնազանդ լինել Աստծուն:
ՍովորենքԴանիելից  և իր ընկերներից սրբության, երկյուղածության, խոնարհության կյանքով ապրելու ամուր համոզմունք ունենալը և, անկախ Աստծուն հնազանդվելու վտանգներից, այս աշխարհի փոխզիջումներով մեր անձերը չպղծելու որոշման մեջ հաստատակամ լինելը: 
Դանիելի  մեջ գերազանց հոգի կար, և դա Տեր Աստծու պարգևն էր Իր սրբությունը սիրող և Իր կամքի հնազանդությանը փափագող Աստծու մարդուն։ 
Աստված փնտրում է ուղիղ սրտով սկզբունքային մարդկանց, որոնց կկարողանա վստահել Իր կողմից տրված կարևորագույն առաքելությունները։ 


Դասեր Դանիելի մարգարեության գրքից

Մեր հավատքի աճի ու հավատքի կյանքում հասունության չափանիշը Տեր Հիսուսին նմանվելն է: Աստված կամենում է Իր Որդու խոնարհության արտացոլանքը տեսնել մեր մեջ, որը մեզ կտանի դեպի Տեր Աստծու հետ ավելի խորը և մտերիմ հարաբերությունների։
Աստված ուզում է Իր խոսքերի հանդեպ հնազանդության փափագը տեսնել մեր սրտերում։ 
Աստվածաշունչը մեզ պատվիրում է ատել մեղքը։ Մեղքը մեզ մահվան է տանում։
Աստված ամբողջական նվիրում ու սեր է ակնկալում տեսնել մեր սրտերում։ 
Աստված փնտրում է սրբության կյանքով ապրող մարդկանց, որպեսզի զորացնի ու օրհնի նման մարդկանց փրկությամբ ու արդարությամբ։ Աստված քո սրտում ուզում է սրբություն տեսնել։

Ի՞նչ է Աստված ուզում տեսնել քո սրտում

Չկա՛ մի այնպիսի մարդ, որին Աստված որևէ հոգևոր պարգևով կամ տաղանդով օժտած չլինի։  
Այդ շնորհները թեև մեզ են տրված, սակայն մենք սեփականատերը չենք, այլ պետք է դրանց օգտագործման համար հաշիվ տանք Աստծուն։ 
 Եթե դու քիչ բաների մեջ հավատարիմ չես, Աստված քեզ երբե՛ք չի բացի քո իրականը՝ քեզ պատկանողը։ Փոքր ու աննշան թվացող ծառայությունների մեջ Աստված  նայում է մեր հավատարմությանը։  Աստված քչի մեջ հավատարիմներին շատի վրա է կարգում։ Աստված բացահայտում և զորացնում է նրանց նաև հոգևոր պարգևների կիրառության և զարգացման հարցում։ 
Տեր Աստծու շնորհած փրկության հանդեպ մեր շնորհակալության լավագույն արձագանքը Նրան ու Նրա գործին մեր անմնացորդ նվիրումն է։

Ինչպե՞ս կարող ես բացահայտել պարգևներդ


 Այս աշխարհի ամենաապահով վայրը Բարձրյալ Աստծու ծածկոցի տակ լինելն է։ Այնտեղ տանող ուղին Տեր Աստծու հետ հաշտության հարաբերությունն է, որը կարող ենք կառուցել, եթե սովորենք կիրառել խոստովանության, ապաշխարության և հոգևոր աճի աստվածաշնչյան սկզբունքները։
Տեր Աստծու հետ իրական հաշտության հարաբերություն ունենալու համար շատ կարևոր է հասկանալ այդ հաշտության էությունը և հաշտությունը խափանող գործոնի՝ մեղքի ներգործությունը։ 


Joy