ԱՌԱԿՆԵՐ 12:1-7

Խրատ սիրողը գիտություն է սիրում, իսկ հանդիմանությունն ատողը անխելք է։ Բարին Տիրոջից բարեհաճություն կստանա, բայց նենգամիտ մարդուն նա կդատապարտի։ Մարդն անիրավությամբ չի հաստատվի, իսկ արդարների արմատը չի սասանվի։ Առաքինի կինն իր մարդու պսակն է, իսկ ամոթաբեր կինը նրա ոսկորների միջի փտության պես է։ Արդարների մտադրություններն իրավացի են, իսկ անիրավների տված ուղղությունը՝ խաբեություն։ Անիրավների խոսքերն արյան դարան են, իսկ ուղղամիտների բերանն իրենց կազատի։ Անիրավները կկործանվեն ու կչքանան, բայց արդարների տունը հաստատուն կմնա։