Забур 131

131

Аллагьдин КӀваликай тарифдин гафар лугьун

1Зиярат ийидайла лугьудай мани.

Ребби, рикӀел хкваш Давуд

ва ада эхай кьван четинвилер,

2ада Реббидиз кьин кьур саягъни

Якьубан Уьтквемдаз вяд гайи саягъ.

3«Жуван кӀвализ гьахьдач зун,

жуван месел къаткидач,

4ахварни гудач жуван вилериз,

къебекьризни гудач суствал,

5за Реббидиз чка жагъур тавунмаз,

Якьубан Уьтквемдаз кӀвал жагъур тавунмаз».

6Ингье, чаз Икьрардин сандухдикай

Эфратада ван хьана

жагъай чӀавуз Ам

Къирйат-Ярим шегьерда.

7Адан КӀвализ гьахьин чун

Адан кӀвачерин кӀаник квайдаз икрамин.

8Къарагъ, я Ребби, чкадал акъваз Жуван секинвилин,

Вунни Ви къуватдин Икьрардин сандух.

9Ви хахамри гьахъвал чпел алчудрай

ва шадвиляй гьараяр авурай

Ваз вафа хуьзвайбуру.

10Ви лукӀ Давудан хатурдай

чин кьулухъ элкъуьрмир Ви гуьцӀуьрдикай.

11РикӀивай кьин кьуна Реббиди Давудаз,

алатдач а кьинелай:

«Ви бедендин майвадикай

Ви тахтуна ацукьарда.

12Ви рухвайри Зи Икьрар хвейитӀа,

За чпиз чирдай Зи шагьидвилер хвейитӀа,

гьакӀ абурун рухваярни ацукьда

ви тахтунал даим яз».

13Вучиз лагьайтӀа Сигьан хкяна Реббиди,

адакай Вичин КӀвал ийиз кӀан хьана:

14«Ингье зи секинвал даиман:

ина уьмуьр тухуда За,

вучиз лагьайтӀа Заз кӀан хьана ам.

15Адан тӀуьниз булвилелди нуьсрет гуда За,

адан саилар фалди ийида тух.

16Адан хахамрал хиласвал алчудда,

шадвиляй гьарайда Аллагьдиз

вафа авай халкьди.

17Ана Давудан пачагьлугъдиз къуват гуда За,

Жуван гуьцӀуьрдиз велед гуда За.

18Алчудда регъуьвал душманрал адан,

адал, лагьайтӀа, цӀарцӀар гуда тажуни».

Արդեն Ընտրված.

Забур 131: ЛезПК

Ընդգծել

Կիսվել

Պատճենել

Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք

Իմացեք ավելին Пак Калам-ի մասին