1.PETRUS 2:24-25

When darkness surrounds you, how should you respond? For the next 3 days, immerse yourself in the Easter story and discover how to hold onto hope when you feel forsaken, alone, or unworthy.

Տեր Հիսուսը խոնարհության մեր չափանիշն է և օրինակը։ Լինելով Աստված՝ Նա ոչ միայն Իրեն խոնարհեցրեց մարդ լինելու աստիճան, այլև դարձավ մարդկանց ծառան՝ սեփական անձը ցածրացնելով նրանց առջև, ում ծառայում էր: Հեզությունն ու խոնարհությունն այս աշխարհում ընկալվում են որպես թուլություններ, բայց Աստծո Արքայության մեջ դրանք այն բանալիներն են, որոնք հնարավորություն են ընձեռում առաջնորդվելու և ուսուցանվելու ուղղակիորեն հենց Տեր Աստծո կողմից։ Խոնարհները նվիրվում են մյուսներին բարիք անելու կյանքին և Աստծու սերն են տարածում իրենց շրջապատում։

Աստվածաշունչը խոսում է հոգևոր իրականության մեջ տեղի ունեցող պայքարների մասին և դրանցից հաղթանակած դուրս գալու հնարավորությունների մասին: Հոգևոր այս պատերազմի մեջ յուրաքանչյուր մարդու փրկությունը կախված է նրա ունեցած հավատքից։ Եթե մարդը հավատա Տեր Հիսուս Քրիստոսին, ապա կփրկվի և հավիտենական կյանքի պարգևը կընդունի։ Իսկ եթե հավատա խավարի հորինած առասպելներին, ապա կկործանվի: Տեր Աստված Իր զավակների համար հզոր հոգևոր զինատեսակներ է պատրաստել, որոնց ճիշտ կիրառման պարագայում խավարի ո՛չ մի հնարք ու խաբեություն ի զորու չի լինելու որևէ վնաս հասցնել Քրիստոսի հավատարիմ աշակերտներին։

Աստված մարմնով հայտնվեց, որպեսզի վերականգնի մարդու հետ վերջինիս անհնազանդության ու մեղքի ապստամբության արդյունքում խաթարված հարաբերությունը։ Հիսուսն է կամուրջը։ Տեր Աստծու հետ հաշտություն գտած մարդիկ դառնում են երանելի խաղաղարարներ մյուս մարդկանց հետ իրենց հարաբերություններում։ Քրիստոս աստվածային Լույսն է, որ վառվեց այս խավար աշխարհի մեջ։ Քրիստոսի շնորհի տակ ապրող մարդկանց վրա մեղքն այլևս ոչ մի իշխանություն չունի: Տեր Հիսուսի խաչի մահը մեր մեղքերի ներման հիմքն է։ Նրա հարությունը՝ մեր արդարացման հիմքը։