Աստվածաշնչի հայտնի հատվածներ Ro 8-ից

Կիսվել

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

Jayem jayatetelegue da'me qaya'te jenaĝa chiyaqayi ta'le qo'mi yaqanate't qaedi qolaqa'e da'me loqopich'i ñe'me Dios: uotaĝa da'me neleuaĝa, uotaĝa da'me 'noyaĝac, uotaĝa jogaa'me piyem laje', uotaĝa jogaa'me nañoqotaĝanaĝaco 'nañaĝaco 'me uedo'ot di'me piyem, uotaĝa ga'me 'uo nayi, uotaĝa ga'me na'taquena, uotaĝa ga'me yataqachiñe qayaje'mec, uotaĝa ga'me yataqachiñe qaya'ñgui, uotaĝa gamachaqaega uo'oe laqaya' 'me 'lonataqa ñe'me Dios. ¡Qaya'te qo'mi yaqataqate't da'me loqopich'i jo'ne Dios qo'mi yaloĝonalo 'me chiyaqayi ñe'me Cristo Jesús mach'e Qadejaliaĝanec!

Qama'le naq'aeta ñe'me Dios Lepaqal qo'mi lecochiyalo queda'me 'uo da'me qadachoĝolaĝac. Qa'a ja jayatenaq ga'me yataqachiñe lajoĝoc da'me qanetamenaĝac, qalaĝaja ñe'me Dios Lepaqal nachoĝodenot ñe'me Dios nale qo'mi dajelaĝalo'te, jo'ne 'uo da'me lachotaĝac, da'me qaya'te 'naqatac ta'le qoyadenaĝat ga'me lachotaĝac.

¿Jach'e ga'me ñenaĝataĝaye laqaya? ¡Qa'a qom Dios naqaeñe qo'mi yotaua'n, qaya'te yaqanatet da'me qo'mi nautenalo!

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Qama'le da'me nedo'ta't auenatetapega ga'me anejiyaĝauayaĝac 'me ch'e aleua le'ec am yaueque'tague da'me adeleuaĝa; qalaĝaja da'me qom eetapega gaa'me uo'oe jo'ne chiyaqayilo ñe'me Dios Lepaqal am yaueque'tague da'me at'oyaĝac nataq'aen da'me at'emaĝac.

Qalaĝaja ena'uaque naa'me naajo' uo'oe 'uo da'me qadomataĝanaĝac 'me chiyaqayi ñe'me jo'ne qo'mi noqopitalo.

Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che.

¿Jach'e ga'me yaqanatet da'me qo'mi yaĝayaĝa'n qaedi qolaqa'e da'me loqopich'i ñe'me Cristo? ¿Qo'li yaqanatet ga'me qadachoĝodec, uotaĝa gaa'me qadaqalaico, uotaĝa ga'me qanaqanaguec, uotaĝa ga'me qadoqouat, uotaĝa qaya'te qadoĝot 'me janaĝaiñe, uotaĝa qom 'uo ga'me chaqae'ta uotaĝa neleuaĝa 'me qo'mi qoyalateque?

Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.

Ena'uaque gaa'me jo'ne dajoteda'ye ñe'me Dios Lepaqal, mach'e Dios lec'oqo'te jogaa'me.

Gaa'me jo'ne quetalo'te gaa'me yepaquetapegalo da'me nejiyaĝauayaĝa'j 'me etaĝaloĝoic nach'edata uenatetedapega ga'me nedo'ta't aleua le'ec; qalaĝaja gaa'me jo'ne uetedaue ga'me yepaquetapega ñe'me Dios Lepaqal, jogaa'me uenatetapegalo gaa'me uo'oe 'me chiyaqayilo ñe'me Dios Lepaqal.

Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe?

Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios. Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac.

Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n.

Qa'a jayatenaq chayovida'a nayi yema gaa'me 'lonataqa 'uo da'me lachotaĝac nataq'aen lachitataic, ena'am jaga'me yauo nale nadi'ta da'me c'oe qama'le 'uo ga'me layaliaĝac.