Աստվածաշնչի հայտնի հատվածներ Matay 6-ից

Կիսվել

kiyanguwayan kiyami za mula'esi kanantu pinitrepa tu kezang na Viruwa i itras i inmu, miturus kanantu nirangeran, intaw tu i vaverayay mu kanini peniya.

mawna kemani, amanan muramawan mavangavang nu 'emanan i inmu, nu 'emanan ulra a kavangavangan; nu sangalraw na vangavangan na saya wari mu maruwa lra!>>

<<semeneng marengaya ku kanmu, amanan muramawan za wayway na aekanen, zi za mavangavang za kakavang i zazek. kamelriya lra na uwavaawan 'azi marapazangal kana aekanen, na zazek 'azi marapazangal kana kavang ziyamaw?

nu kiyanun u mu, usavak kanannu ruma' i savak, 'alrevi na 'alrevan, kiyanun kana kazu kana muvulri na kinazuwan i Ama i itras. izu na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.

mawna kemani, kemaniya mu kiyanun: na niyam Ama i itras: kiyalriman pakavangesaraw nannu vangesar ngadan; kiyalriman kazuwa u demikes mena'u i punapunan; kiyalriman za mula'esiya nannu nirangeran i dare', kamawan za mula'esi i itras

verayay mi za niyam aekanen harem kana wari.

lapusay mi na niyam pinamelriyan kannu, kamawan za niyam nilapusan tu pinamelriyan za trau kaniyam.

amanan paelepaw mi kana 'azi mi kararuwa semangalr na lralrimaw; vaawaw mi puwaday kanantu lima na kuwatrengan.

nu melapus mu kanantu pinamelriyan za trau, nanmu Temama i itras lalapus kanmu

na'uwi na muwavii i lingatr na 'ayam: nazu 'azi semasalem 'azi mara'ani, 'azi maepetr za aekanen i 'alili, nanmu Temama i itras tu tavuray nazu! 'azi mu marapazangal kana 'ayam ziyamaw?

<<ikawili mepetr za pazangal na pinieman i dare' i inu, 'alrana 'uleday kana 'uled, zi mirarana', zi ulra ziya a male'es tremelrevas kana 'alrevan musavak tremakaw. muramawana u mepetr kana pazangal na pinieman i itras i inu; iniyan za 'uled 'emuwatre'utr i kazu, 'azi mirarana' i inu, zi iniyan za male'es za uwasavak tremakaw. nannu pinieman na pinakapazangal nu kazu i iyan mu, kazu i kazu nannu anger.>>

<<iniyan za trau maruwa kikarun kana zazuwa na tawki. i intaw nu 'azi marasak kanini mu, sahar kaniziyu, mawna kemapazangal mena'u kanini, zi 'azi seme'er kanizu. 'azi mu karuwa pukasa mutu pakarunan kana Viruwa i itras, zi mutu kuli ziya kana paisu.

na 'aputr zi na tralun i tralutralun mupana harem kana 'emanan, ma'il nu 'emanan, ivulru' kana 'avuwan muvatri', na Viruwa i itras kemani ziya pakavulay kanazu, i intaw mu kamelriya lra 'azi puwapuwa veray za kavang kanmu ziyamaw? kamakitengan lra nanmu pakutatena'an!

nu vaveray u kana kalramalraman mu, ipakalrazami na lima i tarawiri tu kinakuda na lima i tarawalran, pauwayanay mu ini maw a muvulri na lremak. kemani mu, izu na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.>>

<<taranapaw i inmu, ipa'ilring i ngawayan kana trau za penakasa penatezelr ku kema, temuanganger pana'u za trau. nu kemani mu, 'azi mu kararuwa melak za pakasahar kemay kani Ama i itras.

<<nu 'ema'iway mu mu, ikamawan kana kitu'inavanava na trau; venavetra' kitukalramalraman nazu, temuanganger meruvuruvu milritra' i mudingan, 'inava mena'uwa a trau za kazu 'ema'iway nazu. marengaya ku kanmu, nu kemaani nazu mu kiveray lra kanantu karuwayan kiveray na pakasahar. nu 'ema'iway u mu, harutr zi ri'enup, ipana'u kana trau za 'ema'iway u, mawmau pakalrazam kanizu na kazu kana muvulri na kinazuwan i Ama i itras; na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.>>