Աստվածաշնչի հայտնի հատվածներ Жаратылыу 17-ից

Կիսվել

Ибрам 99 жыллыкъ болгъанда, Раббий анга кёрюнюп: – Мен – Къудуретли Аллахма, – деди. – Сен, Мени аллымда ачыкъ жашап, айыпсыз бол.

Мындан арысында атынг Ибрам боллукъ тюйюлдю, атынг Ибрахим боллукъду. Нек десенг, Мен сени кёп миллетлени атасы этгенме.

Мен сени бла эм сени тёлюден тёлюге келлик туудукъларынг бла ёмюрлюк кесаматымы саллыкъма. Мен сени Аллахынг эм келлик туудукъларынгы Аллахы боллукъма.

– Ма, сени бла этген кесаматым: сен кёп миллетлени атасы боллукъса.

Аллах а былай айтханды: – Угъай. Къатынынг Сара табарыкъды санга улан, сен да анга Исхакъ атарыкъса. Кесаматымы аны бла этерикме, аны келлик туудукъларына ол ёмюрлюк кесамат боллукъду.

Бу сен кёчюп айланнган жерни, битеу Кенанны жерин санга эм сени келлик туудукъларынга ёмюрлюк мюлкге берликме эм аланы Аллахы боллукъма.

Ибрахим жерге къапланып, кюлгенди да, кеси ичинден: «Керти да, жюз жыллыкъ къартдан улан болурму? Токъсан жыллыкъ Сара да, керти да къозлармы?» – дегенди.

Дагъыда Аллах Ибрахимге: – Къатынынг Сарайгъа энди Сарай деп айтма, аны аты Сара болсун.

Сюннет этген адетни тутугъуз. Бу Мени бла сизни арабыздагъы кесаматны белгиси боллукъду.

Алай болгъанлыкъгъа, Мен кесаматымы, экинчи жыл бу заманда санга Сара табарыкъ, Исхакъ бла этерикме.

Сизде тёлюден тёлюге хар улан сабийге туугъаныны сегизинчи кюнюнде сюннет этилсин. Юйюнгде туугъан неда туудукъларынгдан болмагъан, бир тюрлю башха миллетден кюмюш ахчагъа сатылып алыннган къуллагъа да сюннет этилсин. Юйюнгде туугъаннга да, сен ахчанга сатып алгъан адамгъа да сюннет этилмей къалмасын. Аны бла Мени кесаматым ёмюрлюк кесамат болгъанына сизни чархыгъызда белги болур.