1
انجیل مَتّی 7:7
کتاب مقدس به زبان اچمی لارستان
LAB
«تُبِئِه، که اُ شما دَدَ اَبِه؛ بِگَردی، که اَدَجُری، بِزنی، که تُنُزلو واز اَدَبِه.
2
انجیل مَتّی 8:7
اَسِی که هرکَه اُشبِئِه، اُ دست دارِ و هرکَه بِگَردِ، اَدَجُرِ و هرکَه بِزاد، دَر از لوش واز اَدَبِه.
3
انجیل مَتّی 24:7
«پَ هرکَه اِ حرفِی ما بِشناوِ و اُ آنایا عمل بِکو، چُنِ مرد دانائیه که خونَش لِی سنگ نَک اُشکِه.
4
انجیل مَتّی 12:7
پَ خاد مردم هَمونا رفتار بِکنی که تُئِه آنایا خاد خوتو رفتار بِکنِت. اِئِه، خلاصَهِ تورات و نوشتَه‌ئِی پیغامبریا.
5
انجیل مَتّی 14:7
ولی مِ دَری که تاگِه و رَهی که سختِه اُ طرف زندگی اَچِه، و کسِی که آنا اَدَجُرِت، کامِت.
6
انجیل مَتّی 13:7
«از دَرِ تاگ جا اُچی، اَسِی که دَری که فِراخِه و رَهی که آسونِه اُ طرف نابودی اَچِه و کسِی که جا اَچِت بُری هِت.
7
انجیل مَتّی 11:7
پَ اَگَه شما که شریر هی اَدانی که چینا، هَدیَه‌ئِی خَشا اُ بَچیاتو هاتی، چاد بِشتَه باتو که تِی آسِموئِه اُ آنایاکِه از آنا شُبِئِه چِی‌یَی خَش اَدَ.
8
انجیل مَتّی 1:7-2
«کضاوت مَکنی، تا شما هم کضاوت نِبی. اَسِی که وَ هر حُکمی که اُ بَکیَه کضاوت بِکنی، اُ شما هم کضاوت اَبِه، و خاد هر کِئلَه‌ای که کِئلَه بِکنی اَسِی شما کِئلَه اَبِه.
9
انجیل مَتّی 26:7
ولی هرکَه اِ حرفِی ما بِشناوِ و اُ آنایا عمل نِکو، چُنِ مرد نادونیه که خونَش لِی شِن نَک اُشکِه.
10
انجیل مَتّی 3:7-4
اَسِی چه تِکَه کاهی که تِک چَشِ کاکَتوئِه اَبِنِش، ولی کُندَه درختی که تِک چَشُتِ نابِنِش؟ یا چینا تَشابِه اُ کاکَتو بِگائِش، ”بِهِر تِکَه کاها از تِک چَشُت دَر بیارام“ وَختی کُندَه درختی تِک چَشُتِ؟
11
انجیل مَتّی 15:7-16
«از انبیای دارُوی دوری بِکنی. آنایا تِی جُمَهِ کَهریا حَدِ شما دِئِت، ولی تِی باطن، گرگِی وحشی هِت. اُ آنایا از میوَه‌یّاشو اَشناسی، مَ اَبِه از بُتَّهِ خار انگور و از خار بیابو انجیر واچِنی؟
12
انجیل مَتّی 17:7
پَ هَمینا، هر درخت سالم میوَه خَش اَدَ، ولی درخت دردی میوَه بَد اَدَ.
13
انجیل مَتّی 18:7
درخت سالم اُشناشابِه میوَه بَد هادَ و درخت دردی هم اُشناشابِه میوَه خَش هادَ.
14
انجیل مَتّی 19:7
هر درختی که میوَه خَش نِدَ بُلِدَ اَبِه و تِی تَش بِستَه اَبِه.