Աստվածաշնչի հայտնի հատվածներ 1 Петр 4-ից

Կիսվել

Сек когонжок иктӹ-весӹдӓ докы цат яратымашда лижӹ, вет яратымаш шукы сулыкым леведеш.

Тӓ логӹцдӓ каждыйжы, Йымын шукы сӹнӓн благодатьшы доно пӓшӓм ӹштӹшӹ пуры пӓшӓзӹ семӹнь, Тӹдӹ гӹц нӓлмӹ моштымаш доно иктӹ-весӹлӓн служыда.

Иктӓжӹ попа гӹнь, Йымын шамакшым попымы семӹнь попыжы, кӱ служа гӹнь, Йымын пумы сила доно служыжы. Йымы цилӓ шотыштат Иисус Христос гач лӹмлештӓрӹмӹ лижӹ. Тӹдӹлӓн курым-курымеш лӹмлештӓрӓлтмӓш дӓ сила лижӹ. Аминь.

Но иктӓжӹ Христослан ӹнянӹмӹжӹ гишӓн парвала гӹнь, ӹнжӹ намысланы, а тенге лимӹлӓн Йымым лӹмлештӓрӹжӹ.

Но цилӓжӹлӓнӓт мычаш лишемеш. Тенгежӹ ыдылмыда годым ышан-шотан дӓ ары шанымашан лидӓ.

Яратымывлӓэм, тӓ донда иктӓ-ма ынгылыдымы лиэш манын шанен, тӓмдӓм тергӓш толшы тыллан идӓ ӧр. Христосын парвалымашкыжы ушнымыда семӹнь сусу лидӓ, тӹнӓм Тӹдӹн лӹмлештӓрӓлтмӹжӹ каймы годымат сусуланаш дӓ ӹвӹртӓш тӹнгӓлӹдӓ.

Ӧпкӓлӹдеок иктӹ-весӹдӓм ӹшке докыда пыртыда.

Тенгежӹ Йымын ирӹкшӹ семӹнь парвалышывлӓӓт ӹшке йӓнгӹштӹм ӹнян Ӹштӹшӹн кидӹшкӹжӹ пушты дӓ варажат пурым ӹштӹштӹ.

Тенге Христос мӓ верцнӓ кӓпшӹ дӓ йӓнгжӹ доно парвален гӹнь, тӓӓт тенгеок тӹ шанымашым вырсы хӓдӹр семӹнь нӓлдӓ, вет кӓп доно парвалышы сулыкланаш цӓрнӓ, седӹндон тӹдӹ кӓп доно ӹлӓш кодшы курымжым ӹнде эдемӹн сулыкланымыжы семеш агыл, а Йымын ирӹкшӹ семӹнь ӹлӓ.

Тӓмдӓм Христосын лӹмжӹ верц вырсат гӹнь, пуры цӓшӓн ылыда: Лӹмлештӓрӓлтшӹ Шӱлӹш, Йымын Шӱлӹш, тӓ вӹлнӹдӓ. Нӹнӹ Тӹдӹм мыскылат, а тӓ лӹмлештӓредӓ.