Աստվածաշնչի հայտնի հատվածներ Maatiyos 6-ից

Կիսվել

Erherhih Yallih nigsinna kee kaa xaqqe wagiya, tayim lel inkoh sinah ossimto kinni.

Beeri isheh yanshaaqhalooki beerah manshaaqhalina. Lellec kaa waqhaaqhac kaa dhiica.”

Amaydo anu sinak arhxiyuk ane, ayim bettoona kee ayim taacaboona kitiinimih, hido sinni nabseh ayim sarittoona kitiinimih manshaaqhalina. Aniina folooko minaba? Nabsi lel sartimko minaba?

Atu laakin tassilliye gedda, ishi buxtat caredde orobteh, caraf alifteyaako suctodde yane ku Abbah issillii. Suctodde yable ku Abba lel koh yafdaw kinni.

Amaydo atin taginah issilliya: Carshelle geytima ni Abbaw, ku migac yanqaddasoo. Ku nigsinna tamaatoo, kum carshelle akah tekkeekah lel ku farhi baarholle takkoo.

Lellecti ni folo kaafa noh uxuu

nanu cida adde lino maralle akah xabnaakah, ni cida nolle xab.

Uma tiyaako ni dhawurh kibah, cakanadde ni misayshin.

Atin ten umaani alle xabteenimko, carshelle geytima sin Abba yakkeedo sinalle xabo kinni.

Ubula caranti kimbir: carshelle geytima sin Abba kinni ten yayteeleem kibah, usun miyazriini, miyaciyyiini, ilaw makhaazinodde lel miyakhziniini. Atin tenko ziyaada kin limo litin makiho?

Sinni cukra unun kee cillo alle baktah, garaacen yagdiliinih adde orobanyaako alle garacan baarholle mattakhzanintaaki, unun kee cillo alle bakinnixe, garaacen lel yagdiliinih adde orobenyaako garacinnixon cukra carshelle ittikhizzina. Amayim lel ku cukra alle tanelle, ku afcaado gantah tannaw kinamhi sabbatah kinni.

Wuli tiya yincibeh wuli tiya akxine, wuli tiya yeynebeh wuli tiya ilaace kibah, lamma maddara yakhdumeti miyane. Yalla kee gadda takhdamoona mirhictaana.

Ko imaan dagito! Yalli kaafa lee tane, beera lee otonudde cidditto le zibi cashsho akko sarishaya, sina amayimko ziyaada sarisho mirhiica?

Baaxentah wulim taxaye gedda, ku mizgi gaba abak tanem, ku guri gaba aarhige waytoo, amayim lel ku muttuxuwa suctodde takko ciloh kinni. Suctodde yable ku Abba lel koh yafdaw kinni.

“Tenah tamballawna ciloh sin xaqqe kinam aki xiyawhi afalle abtaanamko zeelita, akke wayemko carshelle geytima sin Abbaako casbe taalloona maki.

Tasoomin gedda lel, tamaa munaafiqhiin balih nif micabbaroyshina, amayim lel usun xiyaw akah yabloona ciloh yasoomin gedda nif yasketeeteynimhi sabbatah kinni. Usun sinni casbe kabbaateenih yaniinim, rummah sinak arhxiyuk ane. Laakin atu tasoome gedda, amo tussukuteh ishi nif cakalish, amayim lel ku siyaam suctodde yane ku Abba kiyah aki xiyaw yabliinimko ciloh kinni. Suctodde yable ku Abba lel koh yafdaw kinni.