Աստվածաշնչի հայտնի հատվածներ लुका 3-ից

Կիսվել

ठिक् लेम्‍बा ख्‍वाप्‍पा याप्‌मिचिङा बाप्‌टिस्‍मा ओलाडुएटुनाँ येसुङा चा बाप्‌टिस्‍मा लाडुए, हिट्‌नुङ् उन्‍ङा बिन्‌टि चोगुना पाका टोनालोग् ओङ्‌से॥ हिट्‌नुङ् सेङ्‌सेङ्‌ना हाङ्‌सा ढुकुरङाना उरुप्‌ङि येसु उठुइ ठायाउङ् युङे हिट्‌नुङ् टोनालोग्‌लाम्‍मा ठिक् रिङ् मुक्‍टे, “खान् आङाना आमायालु छा, खान्‌लोक् आड्‌डिक् टुक्‍लोक् आचाप् टाइसे॥”

हिट्‌ना बेला युहान्‍नाङा हिट्‌नागा ख्‍वाप्‍पा याप्‌मिचि लोडुचे, “आङा खानि चुवाङा बाप्‌टिस्‍मा पिनाँनि॥ टरो आङा नुङ्‌ना ठेना ठिबाङ् टायुगेट्, आङाउम्‍टे उन्‍ङाना ओलाङ्‌सुप्‌ङाना उरिप्‍मा फेम्‍माबिमा चा याङ्‌खान्‍ना नुना याप्‌मि माखाक्॥ उन्‍ङा डोक् खानि सेङ्‌सेङ्‌ना हाङ्‌सा हिट्‌नुङ् मिङा बाप्‌टिस्‍मा मापिडिटि॥

छेम्‍बा डोक्, खानिङा आ-आप्‍पे आचोगुम्‍गा पापलाम्‍मा काएल्-काबु आलिसिगा भोने, हिट्‌नाड्‌डे गाड्‌डे डोक् चोगानि॥ टरो ‘आन्‍याँम्‍टे आब्‍राहामङाना ओछालेट्‌चि गोलो टे’ पिक्‍सा माङ्‌हाङ् उपुन्‌जिरिॽवालाम्‍मा होम्‍मा हिडिटिङा नुङ् मिट्‌नेनिन्॥ आङा खानि लोनाँनि, माङ्‌हाङ्‌ङा नागा लुङ्‌गेॽवालाम्‍मा चा आब्‍राहाम ओछालेट्‌चि चोग्‍मा हिडुटु॥

हाट्‌ले डोक् सिङ् उभुङ्‌मा ओजाराङि माङ्‌हाङ्‌ङा न्‍याएङाना फेन्‌डिक्‌ङा ठोग्‍मा टेयार चोगुएसुए॥ हिट्‌डेउङ् ओचेट्‌नुलोक् टुल्‍फुल ओकेङुन्‍गा सोब्‍बे सिङ् उभुङ्‌माचि ओटाङुचिउङ् मिङि ओठेन्‍डुचिचि॥”

नाड्‌डे पारा माङ्‌काटा यासैयाङा धारमाछाप्‍लाङि छेप्‍टाना रिङ् युडे– “खेम्‍सानुम्, साक्‍चा उयुङ्‌निना डेन्‌ङि ठिबाङ् याप्‌मि टाराङ्-टाराङ् राट्‌सा पिग्‍येट्, ‘टाङ्‌बाङाना लाम्‍बो टेयार चोगानुम्, उन् लाम्‌टिना लाम्‍बो नुलोक् पेमाडान् चोगानुम्॥ ख्‍वाप्‍पा होङ्‌सोङ् फुक्‍मा कोन्‌युक्, झोन्‍झोबा हिट्‌नुङ् झोन्‍झोन्‍बाचि नेम्‍नेम् चोक्‍मा कोन्‌युक्, गेङ् गेङ्‌गा लाम्‍बोचि पेमाडान् चोक्‍मा कोन्‌युक् हिट्‌नुङ् घेट्‌रेक्‍गा लाम्‍बोचि टोङ्‌मा कोन्‌युक्॥ हिट्‌नुङ् माङ्‌हाङ्‌ङा याप्‌मिचि उहिङ्‌ग्‍वाट् चोगुचिगा टोॽवा सोब्‍बेङा उनिसुटु॥’”