Աստվածաշնչի հայտնի հատվածներ লূক 13-ից

Կիսվել

“লেং আশ্যিগা ওয়ংফু কিজু কংগং ক্রোজাগে। ঙা কুবাংরোগো প্ররি, আম্যা লুঃউরো ওয়ংফু ক্রোজাগেতি য়িগিলি মুওয়ংনৈংমুঃ।

য়াংদেমা মিকমা তয়ক হিকলিইরি, য়াং মিকমাগো তিছিশৈইন্হ পেলুং মকং নেঃচা কাইংথাগো আনিং মকং প্যাংরো থাঃলিরি। য়াং মিঃমাচা গোংজা হিকলিরি য়াংচা কিজু তাখ্যাকলি পব্রং মাপ্যাংনৈং। যীশু য়াংসুউগো ম্রাংলিরি অর য়াংসুউগো নেংদুঃ খঃরো প্রলিরি, “মিঃখাং, নাং নাক রঃগাগা কংব্যা।”

দিঃ চাঃগা প্ররো যীশু য়াংসুউ আঃপমা আলাক তাংলিরি অর খ্যাং খ্যাং য়াং গোংজাচা পব্রং রেঃলিরি অর থাওরা ফুরাগো খিমুয়েংলিরি।

যাসুউরো আগু আছুংমা হিকরিলি-য়াংসুউরো আতুওয়ংমা তয়কতিরি পাথামা ফ্রইফু। অর যাসুউরো আগু পাথামা হিকরি-য়াংসুউরো আতুওয়ংমা তয়কতিরি আছুংমা ক্যাফু।”

যাখা ইংস্যাং থাঃরো লেংখুওয়া পুয়িইমি, য়াংখা কুবাংরো প্রাংগা রেঃরো, লেংখাওয়াওগা খকরো খকরো প্রগেমি, ‘আস্যাং, ঙারো কিজু লেংখাওয়া ল্হঃপি।’ ‍য়িগিলি ইংস্যাংচা কুবাংরো চাঃগাগো আপ্রই পিইফুচাগা, ‘নাংরো যাগা লাঃগেতিলি, ঙাগা মিঃসি।’

ঙা কুবাংরোগো প্ররি, য়াংচা মুহু, য়িগিলি আপ্রইকা চিই মিহ্লিছুগি, কুবাংরো আলুংসুউগো মাঃরাফ্রফু।”

য়াংখা ইংস্যাংচা প্রলিইরি, ‘নাংরো যাগা লাঃগেতিলি, ঙাগা মিসিক। লুঃউ আছুরো, ঙা নেংগা প্যককেলিই।’

য়াংনক যীশু প্রলিরি, “থাওরা ফুরা ঈ নেংঙেংদচা যানা তুঃরিলি? যানা ঙা ন্হুংফুলি? থাওরা ফুরা ঈ নেংঙেংদচা, রিঃজিনা তুঃরি, যাচাগো লুঃউ তয়কচা য়ুলাঃরো ওয়ায়ইংমা চঃলিরি। নক্কা আঞঅং পকরো, আপাং তাবাং ফ্রইরো তাকলিরি। য়াংখা ঙাকরো লাঃরো আখাকমা আস্বঃ লুককেলিইরি।”