Աստվածաշնչի հայտնի հատվածներ Zaŋ 3-ից

Կիսվել

Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn'ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.

Etɛɛ náá, Zɛɛb nabɛ ɛ́ ààdhis Mɔn'ɛ kɔ bɔs étɛp ɛpɛ́ɛ bot. Nyɛ nadhis Mɔn'ɛ étɛp bot ɛ bɔs neebela tsik kɔ ɛsu ɛ lɛ.

Yezu eezɛbɔɔza nɛ nɛ náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá: Mot ɛ di ààbyel-byelak na bes ɔɔ, nyɛ aanàkwaabee Ɛyoŋ ɛ Zɛɛb.»

Mot aadum koŋ nɛ nɛ ɔ, yenɔk mot aanàkwaakwyeselaa ndjɛ sɔs. Tin, mot aadi ààdum koŋ nɛ nɛ ɔ, yenɔk eezelookwyeselaa ndjɛ sɔs, etɛɛ náá, nyɛ nabɛ ɛ́, nyɛ eepɛɛ ɛdum ɛ koŋ nɛ sim Mɔn ɛ Zɛɛb.

Beeka dáa Zɛɛb aapɛ́ɛ bot ɛ: Mɛkas naazyɛ kɔ bɔs, tin, bot ɛ bɔs kakwyɛl yɔbɔ ɛbuɛpe ɛ́ ghooghom dhaa mɛkas. Etɛɛ náá, bɛ nabɛ ɛ́ bot ɛ embee mɛsa.

Ye goka ɛ́ náá, duma ɛ Yezu byet, ɛbyet nɛ ɛbyet, da yam ɛ́ sila.

Bot djas di esa embee mɛsa ɔ, bɛ ààkwyɛl mɛkas. Deenek, mot tak ààkwyɛl ɛtɔ́ pɛ gwyɛ di ɛ, etɛɛ náá nyɛ ɛpekaab náá, embee etɛp bɛ ɛzɛkɛnyen na “ngbɛlɛlɛ” é mis mɛ bot.

Mot ɛ dum koŋ nɛ Mɔn ɔ, yenɔk ɛ́ waabela tsik na kɔm-kɔm. Tin, mot di ààdum koŋ nɛ Mɔn ɔ, yenɔk aanàkwaabela tsik na kɔm-kɔm. Deenek, ɛbuk ɛ Zɛɛb ɛ́ pɛ kɔ lɛ.»

Yɛ ɛ́ deenek ɛ, dáa Moiiz nadi nyɛ dinaa tɔ kyee bɔs bɛsyɛ di ààbɛ nɛ mɛdii ɛ, nyɛ naatsel nyɔ é le. Tyee wat, ye goka ɛ́ náá, Sɛɛŋɛlɛ Mɔn Mot tselaa é le.

Sɛɛg nɛ kwyɛl Mɔn. Étɛp tak ɛ nyɛ nadjɛ nyɛ eghɛŋ nɛ ghwyil kɔ esonok djas.