Աստվածաշնչի հայտնի հատվածներ Римлилер 3-ից

Կիսվել

Өйткени ҳәмме гүна ислеген ҳәм Қудайдың салтанатынан айырылған. Бирақ, адамлар Қудайдың мийрими менен, Ийса Масийхтың қаны арқалы ешейин ақланады.

Қудайдың әдиллиги адамларды олардың Ийса Масийхқа деген исеними арқалы ақлайды. Буны Ол исенетуғын ҳәр бир адам ушын ислейди. Себеби адамлар арасында ҳеш қандай айырмашылық жоқ.

Масийхқа деген исеним менен, Оның қаны арқалы гүналары кеширилсин деп, Қудай Масийхты адамлар ушын қурбанлыққа бағышлады. Қудай бул арқалы Өз әдиллигин көрсетти. Себеби Қудай сабырлылық етип, бурыннан бери исленген гүналарды кеширди. Және де, ҳәзирги ўақытта Ол әдиллигин дәлиллеп, Өзиниң ҳақ екенин ҳәм Ийсаға исенген ҳәр бир адамды ақлайтуғынын көрсетти.

Сонлықтан Мухаддес Нызамды орынлағаны арқалы ҳеш бир адам Қудайдың алдында ақлана алмайды. Керисинше, Мухаддес Нызам арқалы адам өзиниң гүнакар екенин билип алады.

Мухаддес Жазыўларда айтылғанындай: «Ҳеш бир ҳақ адам жоқ, Бирде бири жоқ. Ҳеш бир түсинетуғын адам жоқ. Ҳеш ким Қудайды излемейди. Ҳәмме жолдан адасқан, Барлығы жарамсыз болған. Жақсылық қылатуғын ҳеш ким жоқ. Бирде бири жоқ».

Өйткени бизлер адамның Мухаддес Нызамды орынлағаны арқалы емес, ал исеним менен ақланатуғынын мойынлаймыз.

Ҳеш қашан! Ҳәмме адамлар өтирикши болса да, Қудай ҳақ. Себеби Мухаддес Жазыўда Қудай ҳаққында былай делинген: «Ҳақ екениңди сөзлериң менен көрсетесең, Ҳүким шығарылғанда жеңиске ерисесең».