Աստվածաշնչի հայտնի հատվածներ Матта 24-ից

Կիսվել

Нызамсызлық көбейгенликтен, көп адамлардың сүйиспеншилиги суўыйды. Бирақ, ақырына дейин шыдаған қутқарылады.

Аспан Патшалығы туўралы Хош Хабар пүткил жер жүзине жәрияланып, барлық халықларға гүўалық болады. Соннан кейин, усы заманның ақыры келеди.

Сизлер урыслардың шаўқымын ҳәм урыслар туўралы хабарларды еситесизлер, бирақ қәўетерленбеңлер. Булардың болыўы шәрт, бирақ бул еле ақыры емес.

Өйткени миллет миллетке қарсы, патшалық патшалыққа қарсы көтериледи, көп жерлерде ашаршылықлар ҳәм жер силкиниўлер болады. Ал булардың ҳәммеси толғақ азабының басланыўына уқсайды.

Аспан менен жер жойылады, бирақ Мениң сөзлерим ҳеш қашан жойылмайды.

Себеби көплер Мениң атым менен келип: «Мен – Масийхпан» деп, көп адамларды алдайды.

Сонда сизлерди қыйнаўға услап береди ҳәм өлтиреди. Мениң атым ушын барлық халықлар сизлерди жек көреди. Сонда көп адамлар исенимнен қайтады, бир-бирине сатқынлық ислеп, бир-бирин жек көреди. Көплеген жалған пайғамбарлар пайда болып, көп адамларды алдайды.

Ийса оларға былай деп жуўап берди: – Биреўлердиң сизлерди алдаўынан сақ болыңлар!

Сонлықтан сизлер де таяр болып турыўыңыз шәрт! Өйткени Адам Улы сизлер ойламағанда келеди.

Солай етип, сергек болыңлар! Себеби Ийеңиздиң қашан келетуғынын билмейсизлер.

– Бирақ, сол күнди ҳәм сол саатты ҳеш ким де билмейди: аспандағы периштелер де, Улдың Өзи де, тек ғана Әкем биледи.

Өйткени жалған масийхлар ҳәм жалған пайғамбарлар пайда болып, егер мүмкин болса, таңлап алынғанларды да алдаў ушын, уллы кәраматлы белгилер ҳәм таң қаларлық ислерди көрсетеди.

Нухтың заманында қалай болған болса, Адам Улы келгенде де солай болады. Өйткени топан суўынан бурын, Нух кемеге минген күнге дейин, адамлар ишип-жеди, үйленди, турмысқа шықты. Топан суўы басып, бәрин қырып жойғанға дейин, олар аңғармады. Адам Улы келгенде де солай болады.