Աստվածաշնչի հայտնի հատվածներ Matay 19-ից

Կիսվել

N’avônyô waô ne Yesu, awulinya waô inè: Igamba nyiṉo gôr’aṉaga ny’ayolyô, ndô gôr’ Anyambyè isam̃u yôdu ko jolyô.

Yeṉo wi zel’aṽaṉi nyèṉè, ndô ôzôṉ’ôm̃ô. Sambô ezom̃a zi r’Anyambyè jônga pa, z’aṽangunyô n’ôma.

Awiṉizi yè inè: Aṉwè pa tanguṉa inè, ôvangi avangi, avila gw’ipakilya, ôṉôm̃e n’ômwantô, awulya inè: Yeṉo, ôṉôm̃e e ga rige reri yè ni ngi yè, ko yè jôngô gôr’ômwantô wè, ko waô aṽaṉi dwaṉ’ôzôṉ’ôm̃ô?

N’awulyi Yesu inè: Yiviraṉi awaṉa, ko alegaṉi waô bya gôre myè, konde iṉongo ny’ôrôṽa nyi re gôre waô wi r’egolaṉi ga waô.

Alông’awenge wi be num̃uṉa, n’aṉum̃uṉa wi be dônga.

N’ôm’edu are tiga p’awôngi yè aṉôm̃e, ge yombi yè, ge reri yè, ge ngi yè, ge ômwantô wè, ge awaṉi wè, ge intyagi sè, ge inagô sè g’ômwanja w’ini nyam̃, e be pô nkam̃a y’inyongo, ko yè niv’em̃èṉo z’egômbe zôdu.

N’awulinyô yè ne Yesu inè: J’aw’abele dwaṉa keka pa, ge kôle yom̃a yi re na wè, ava yô gôr’ikuge, gambèṉè ô be dwaṉa n’igumba g’ôrôṽa. Avila vovo ko bya azônga myè.

N’awiṉizè yè inè: Ntiṉa nde yi bambyo myè g’ômwanja w’ezom̃a zi r’eṽya? Ar’ôm̃ori ar’ômbya. J’aw’abela gô jingiṉa gw’em̃èṉo, venjavenj’ampanga.

Mi tô bulinya ṉwè inè: Re dèla gôre kamèli gô solya gw’igola nyi ntômbô, vyagaṉô na gôr’eṉam̃i gô jingiṉa gw’iṉongo ny’Anyambyè.

Ndô mi bulinya ṉwè inè: Ôm’edu e tômb’ômwantô wè, kaô gô ntiṉa y’ôṽelaṉô, ko yè jômb’ômwèṉè, gambèṉè e dèwa na wi ngaṉi, n’ayè yi jômb’ômwantô are tômbô pa e dèwa kè na wi ngaṉi.

N’awulinyi Yesu iṉèngi yè inè: Rèti, mi bulinya ṉwè inè, eṉam̃i zi be dwaṉe jola gô jingiṉa gw’iṉongo ny’ôrôṽa.