Աստվածաշնչի հայտնի հատվածներ Exodo 9-ից

Կիսվել

Meꞌ tsanꞌ meꞌ yụ́dye qui namꞌ tsạꞌchuye jiquej, mạꞌjeꞌ jịꞌcaveyeye ferdyeꞌ yụ paj qui räj jacchety muntyiꞌ in chäyin yụ in yụ mujuꞌchaty.

Ayoꞌ jajiti muꞌ Moisés: —Ĉọcme muꞌ ayoꞌ jéte ram: "Yi muꞌ Jenꞌ, hebreoty Ayoꞌ muꞌin, muꞌ yi jin mi: Farajjeyacseva yụ́tyiꞌ muntyiꞌ in paj qui timaꞌquin yụ in.

Yụ mạꞌjeꞌ jụijyaꞌ, tupuj yụ soꞌmeye japacjodyeꞌ jiquej, tupuj yụ c̣hiconꞌteyac miꞌin, räjtumdye muntyiꞌ mi, mijam raꞌ yirity rụiꞌcuꞌ jiꞌyajcati.

Jenꞌ raꞌ quivij yụꞌtaqui ferdyeꞌ muꞌ, muꞌ raꞌ soꞌmibunac japacjodyeꞌ cuꞌdyeꞌ miꞌin. Säñiꞌ raꞌ cavayo in, judyeyaꞌ bórico in, cameyo in, vaca in judyeyaꞌ oveca in, räj raꞌ mọꞌin tyejoiꞌ in. Muꞌinsiꞌ na raꞌ cuꞌdyeꞌ Israeltyis vóshiꞌ muꞌ, mijam raꞌ yiris jedyeiꞌ säñiꞌ muꞌin", meꞌ raꞌ jéte mi muꞌ ayoꞌ —yi muꞌ Jenꞌ.

Mọꞌdyes nojno raꞌ mạyedyeꞌ yoquiꞌdyemꞌ q̂uinꞌ tsun u, yụ raꞌ jịꞌtŝote därmuntyiꞌ tsafaꞌ miꞌinyaꞌ. Muꞌ chat anic mujuꞌchaꞌ tsäquiꞌ tsafaꞌ, jam jeñej urucyaty tsafaꞌ jọꞌchaijtyiꞌ jiquej in úĉan Egiptoĉan in, uyaꞌyaꞌ muꞌin jiquej in. Jäꞌmij jiꞌsitaca acaꞌĉan vaca mi judyeyaꞌ jedyeꞌ chuc mọꞌyaꞌ mi, ĉaĉaij nash raꞌ muꞌ tsafaꞌ jam majmadyety, tas ramꞌ ijacsi jorojyaty muntyiꞌ in judyeyaꞌ cuꞌdyeꞌ miꞌin chimeꞌ", meꞌ raꞌ jétem muꞌ ayoꞌ Egiptoĉantyiꞌ —yi Ayoꞌ jajiti Moisés.

Yoquiꞌ buꞌyiꞌdyemꞌ ọij Egipto o, paj meꞌquiꞌ buꞌyiꞌ raꞌ shupquiꞌ mọꞌ ñäpdyeꞌ, räj raꞌ cạiꞌ muntyiꞌ in judyeyaꞌ cuꞌdyeꞌ chimeꞌ muꞌin, jam raꞌ yirity ñụiꞌjajiti. Anicdye meꞌ, muꞌ Moisés judyeyaꞌ muꞌ Aarón poc̣hocjetaque chim jornoĉansiꞌ in, chat ĉọcte qui in muꞌ ayoꞌ. Muꞌyaꞌ muꞌ Moisés cheꞌve vaꞌquequeꞌ bucjeꞌ mọꞌ chim, räj vatyquej ñäpdyeꞌ játŝuti muntyiꞌ in judyeyaꞌ cuꞌdyeꞌ muꞌin chimeꞌ.