Աստվածաշնչի հայտնի հատվածներ Exodo 10-ից

Կիսվել

Ayoꞌ jajiti muꞌ Moisés: —Quivij ĉọcme muꞌ ayoꞌ. Yụ nash jiꞌyäjquepte ĉojtyiꞌ muꞌ judyeyaꞌ nọ́taquitytyiꞌ chimeꞌ muꞌ paj qui yụ därsiꞌ jịꞌcaveyacsi ferdyeꞌ yụ. Mi qui raꞌ tupuj jéyaqui ạvaꞌ mi judyeyaꞌ vịyaꞌ mi junꞌ chuc yụ ĉụiꞌsiꞌyaꞌ ferdyeꞌ yụ vaꞌtacdyeꞌ soꞌmacsi Egiptoĉantyiꞌ in, jịꞌcaveyacsi yụ därsiꞌ ferdyeꞌ. Meꞌ raꞌ chat räj chäyitiĉaꞌ yụ miꞌin anictyity Ayoꞌ yụ —yi Ayoꞌ.

Chat qui muꞌ Ayoꞌ jajiti Moisés: —C̣họcoꞌjeyaca un mi paj qui tojmas ayij räj buꞌyiꞌ Egiptoĉan paj quivꞌdyeiꞌ tyeiꞌ mọꞌ tojmas. Meꞌdye muꞌ Moisés mạyedyeꞌcheꞌ c̣họcoꞌjeꞌ un muꞌ, tojmas qui ayij räj buꞌyiꞌ Egiptoĉan, anic quivꞌdyeiꞌ tyeiꞌ mọꞌ. Chibin mạyedyeꞌ meꞌ buꞌyiꞌ, mijam méquiꞌ jorojĉan Egiptoĉantyiꞌ in, mijam junꞌ naijtidyeij in mijam junꞌ shupqui acaꞌĉan in. Muꞌinsiꞌ na bäꞌyedyeꞌ muꞌin Israeltyis vóshiꞌ in itŝiꞌ méquis mọꞌĉan joꞌmes.

Meꞌdye c̣họcoꞌjeyaqui un muꞌ Egiptoĉan. Ayoꞌ yụꞌte pamꞌvety tyiꞌmu, dyutsenꞌ mạyedyeꞌ dyutsenꞌ tsedyedyeꞌ, meꞌquiꞌ fujvaꞌti tyiꞌmu, tuiꞌtyiꞌ shíñu. Nojnodye mạyedyeꞌ nạijjoiꞌ shach shíñu in, räj buꞌyiꞌ Egiptoĉan in, anic mọjoꞌchaꞌ sät tŝọiꞌ, jam jämꞌdyeyaꞌ meꞌ jiquej cạveꞌ in, mijam raꞌ cuvij joꞌmes cạvebanꞌ in.