Աստվածաշնչի հայտնի հատվածներ റോമക്കാറാര് 8-ից

Կիսվել

ആന സാമി സീവാ് ബ്‌ഡ്‌റവാര്‌മ് താന് ണെനേത്തിര്‌ക്ക കാര്യാക്ക് ബേ്ണ്ടി ഒളേത്ത് ബെത്തിര്‌ക്കവാര്‌മാന ആള്‌ഗാക്ക് ബേ്ണ്ടി എല്ല കാര്യഗണാമ് സാമി ണല്ലാദ്‌ക്ക് ബേ്ണ്ടി സെയ്‌രാ് എന്ത് ണമാക്ക് തെര്യു.

സാവു ബേവുക്കൊ, ഉജുറുക്കൊ, സാമിദൂദലാക്കൊ, മാഗെ ലോഗണ ആള്‌റ കെ്ട്ട ണിഗാല്‌ക്കൊ, അദിഗാരിഗാക്കൊ, ഇപ്പിര്‌ക്കാദ്‌ക്കൊ, ഇനി ബര്യ പോരാദ്‌ക്കൊ, മേലോഗാക്കൊ, കീ്ലോഗാക്കൊ, ദ്‌ട്ടിസി ബെത്തിര്‌ക്ക ഏദോരു ജാദിക്ക്‌മ്, ണമ്മ്‌ദ് ആണ്ടവനാന ഏസു ക്‌റ്‌സ്‌ത്ത് കാട്ടിന സാമി സീവാനിലിര്‌ന്ത് ണമാണ പ്‌റ്‌ക്ക്യ മുഡ്യമാട്ട എന്ത് എനാക്ക് ഒറേപ്പിര്‌ക്ക്‌ദ്.

അദേപാസെ താനെ ണമ്മ കുറ്റകൊറെവുള്ളവാര് ആയിര്‌ക്കാദ്‌ണാലെ സാമിണിഗാല് ണമാണ കയ്യിതാങ്ക്യ ബര്‌ദ്. സെരിക്ക്‌മ് എന്ത്‌ക്കെല്ല പരേസുഡൊ എന്ത് ണമാക്ക് തെര്യ. ആന സാമിണിഗാല് ണമാക്ക് ബേ്ണ്ടി അനാഗി കൊണ്ട് പരേസ്‌ദ്. അദ് ണമാക്ക് ണെപ്പ്‌കെ്ഡേക്കാദ്‌മില്ലെ.

ണമ്മ ഇനി ഇദ്‌ണ പറ്റി എന്തണ സൊല്ല്യ? സാമി ണമ്മ്‌ദൊപ്പ ഇര്‌ന്ത ഏവാന്‌ക്ക് ണമ്മോഡെ മുട്ട്യ മുഡ്യു?

അദ്‌ണാലെ ഇപ്പ് ക്‌റ്‌സ്‌ത്ത് ഏസുക്ക് എജേന്ത് പെ്ളേക്കവാര്‌ക്ക് പാവാക്ക് കെ്ഡേക്ക ദണ്ടണെ ഇല്ലെ.

പാവ പളാക്കാക്ക് കെ്ട്ട്‌പട്ട് ണഡാക്കവാര്‌ക്ക് സാവു ബരു. സാമിണിഗാല്‌ക്ക് കെ്ട്ട്‌പട്ട് ണഡാക്കവാര്‌ക്ക് ണിമ്മദിമ് ഉജുറുമ് കെ്ഡേക്കു.

ആന ണമ്മാഗൊ, ണമ്മോഡെ സീവാ് ബ്‌ഡ്‌റവാനാലെ ഇദ്‌ഗണെല്ല ഒരേപെ്ട്ട് ഗെലിസി കഡാക്കാമ്.

സാമി ണമാക്ക് തര്യ പോര തന്ന്‌ദ് മദ്‌പ്പ്‌ണാമ് പേര്‌പെര്‌മെനാമ് ണെനേത്ത ഈ കാലാത്തില്യ കജട്ടഗെല്ല ഒരു സുക്കുമല്ല എന്ത് ണാന് കണക്കാക്ക്‌റെ.

ക്‌റ്‌സ്‌ത്ത് ണമ്മോഡെ ബ്‌ട്ടിര്‌ക്ക സീവാനിലിര്‌ന്ത് ആര്‌ക്ക് ണമാണ പ്‌റ്‌ക്ക്യ മുഡ്യു? കജട്ടഗാക്കൊ, ബുദ്ദിമുട്ടുഗാക്കൊ, കൊഡിമെഗാക്കൊ, പജിപട്ടിണിഗാക്കൊ, സീലെസിലാപ്പ് ഇല്ലാത്താദ്‌ക്കൊ, അവങ്കേ്ഡ്‌ഗാക്കൊ, ബാള്‌ക്കൊ ണമാണ പ്‌റ്‌ക്ക്യ മുഡ്യുമ? മുഡ്യാഗെമാട്ട.

ആന സാമിക്ക് പട്ടവാര്‌ക്ക് ബേ്ണ്ടി സാമി ആസെപഡ്‌റ കാര്യണാത്തെ സാമിണിഗാല് ബേ്ണ്ടികൊള്ളുറാദ് എന്ത് മന്‌സാന്‌ദ് മനേസ്സ്‌ണ സോദണെ സെയ്‌ര സാമിക്ക് തെര്യു.

സാമിണിഗാല് ണഡാത്ത്‌റ ഏവാര്‌മ് സാമിദ് പ്‌ള്ളെഗാത്തെ.

പാവ പളാക്കാത്തിലി പെ്ളേക്കവാര് തമ്മ്‌ദ് പാവ പളാക്കാക്ക് തഗ്‌ന്ത ആസെപഡി ണഡാക്കാര്. സാമിണിഗാല്‌ക്ക് കെ്ട്ട്‌പട്ട് ണഡാക്കവാര് സാമിണിഗാല് ആസെപട്ട കാര്യഗണ ണെനേക്കാര്.

തന്ന് സൊന്ത മഗാനെന്ത് ഗൂഡി ണോഡാദെ അവാന ണമാക്കെല്ലവാര്‌ക്ക് ബേ്ണ്ടി ഒപ്പഡിത്ത സാമി അവാന്‌ദൊപ്പ തനാക്കിര്‌ക്ക എന്തണാമ് ണമാക്ക് തരാദെ ഇര്‌ക്കുവാന?

അച്ചെ സാമിണിഗാല്‌മ് താന്‌മ് ണമ്മ് ണിഗാലോഡെ എജേന്ത് ണമാണ സാമിദ് പ്‌ള്ളെഗ എന്ത് ഒറേപ്പ് തര്‌ദ്. ണമ്മ സാമിക്ക് പ്‌ള്ളെഗ ആനാക്കി സാമി കൊഡുക്കാദ്‌ക്ക് ണമ്മ ഉരിമെക്കാറാര്‌ത്തെ, അദ് ക്‌റ്‌സ്‌ത്ത്‌ദൊപ്പ ണമാക്ക്‌മ് കെ്ഡേക്കു. അവാന്‌ക്കിര്‌ക്ക മദ്‌പ്പ്‌മ് പേര്‌പെര്‌മേമ് ണമാക്ക്‌മ് കെ്ഡേക്കുഡൊ എന്ത ണമ്മാമ് അവാ് കജട്ടപട്ട പാസെ കജട്ടപഡുഡൊ.

മന്‌സാന്‌ക്ക് ഇര്‌ക്ക പാവ പളാക്ക സാമ്യോഡെ പോട്ടിക്ക് ണില്ല്‌ദ്. അദ് സാമി സട്ടാക്ക് കെ്ട്ട്‌പഡ്‌റാദ്‌മില്ലെ. സാമി സട്ടാക്ക് കെ്ട്ട്‌പഡ്യ മുഡ്യാമ് മാട്ട.

തന്ന് പ്‌ള്ളെഗ ആരാരെന്ത് കാട്ടി കൊഡുക്ക്യ ബേ്ണ്ടി സാമി ദ്‌ട്ടിസിര്‌ക്ക എല്ലാമെ കാണുഡൊ എന്തുള്ള ആസോഡെ കാത്തിര്‌ക്ക്‌ദ്.

ദ്‌ട്ടിസിര്‌ക്ക എല്ലാദ്‌മ് ഇന്നാരമാട്ട്‌ക്ക്‌മ് ഒരുത്തി പ്‌ള്ളെ ഉറുസുക്ക് അഗാറി കൊണ്ടിര്‌ക്ക പാസെ അഗാറി കൊണ്ടിര്‌ക്ക്‌ദ് എന്ത് ണമാക്ക് തെര്യുമല്ല.