Աստվածաշնչի հայտնի հատվածներ റോമക്കാറാര് 4-ից

Կիսվել

സാമി കൊഡുക്കുവെ എന്ത് സൊല്ലി ബാക്ക് കൊഡുത്തിര്‌ന്താദ്‌ണ ണമ്പിര്‌ക്കാദ്‌ണാലെ ബര സന്തേഗ ഒന്റുമ് ഇല്ലാദെ തനാക്കുള്ള ണമ്പിക്കേലി ഒറേത്ത് ണിന്റ് സാമിക്ക് മദ്‌പ്പ് കൊഡുത്താ്. സാമി തരെ എന്ത് സൊല്ലി ബാക്ക് തന്താദ്‌ണ സെയ്‌ദ് തര്യ മുഡിരവാ് എന്ത് അയാള് ഒരേപെ്ട്ട് ണമ്പിനാ്.

സത്തവാര്‌ണ ഉജുറേ്ത്ത്‌റവാന്‌മ് ഇല്ലാത്താദ്‌ണ ദ്‌ട്ട്‌സ്‌റവാന്‌മാന സാമിന അവുറഗാമ് ണമ്പിനാ്. അയ്യി സാമി മുന്തുക്ക് അയാള് ണമാക്ക് എല്ലാര്‌ക്ക്‌മ് പാട്ടനായി തീന്താ്. <<ണാന് ണിനാണ എത്തിത്തിന്യൊ ജാദിഗാക്ക്‌മ് പാട്ടാനാക്കി ബെക്കുവെ>> എന്ത് സാമി സൊല്ലുസുലാക്കാത്തിലിമ് എ്ള്‌ദിര്‌ക്ക്‌ദല്ല?

ണമ്മ സെയ്‌ദ പാവണാലെ കൊല്ല്യ കൊഡുത്തവാന്‌മ് സാമി മുന്തുക്ക് ണമാണ ണേര്‌മെക്കാറാര് ആക്ക്യ ബേ്ണ്ടി സാമി ഉജുറേ്ത്തിനവാന്‌മാന ണമ്മ് ആണ്ടവാ് ഏസുണ ണമ്പ്‌റ ണമാണാമ് ണെനേത്ത്‌ത്തെ അച്ചെ എ്ള്‌ദിര്‌ക്കാദ്.

<<ണിന്ന് കാല്‌കെ്ളെ ഇദേപാസെ പെര്‌ഗുവാര്>> എന്ത് സൊല്ലിര്‌ക്ക ണായണ ണമ്പിര്‌ക്ക പാസെ അവുറഗാമ് എത്തിത്തിന്യൊ ജാദിഗാക്ക്‌മ് പാട്ടനാവാ് എങ്ക ണെഞ്ചഡെ സെറ്റെ ഗൂഡി ഇല്ലാദിര്‌ന്ത ഗള്യേലിമ് അവുറഗാമ് ണെഞ്ചഡെ ബെത്ത് ണമ്പിനാ്.

അദ്‌ണാലെ സാമി കൊഡുക്കുവെ എന്ത് സൊല്ലിര്‌ക്കാദ്‌ണ കൊഡുക്കാദ് ണമ്പിക്ക്യാലെത്തെ. അദ്‌ണ ബെ്റ്‌ദെത്തെ സാമി കൊഡുക്കാദ്. മോസെ ബെത്ത സാമി സട്ടപഡി ണഡാക്ക അവുറഗാമ്‌ദ് കാല്‌കെ്ളേക്ക് താനേമല്ല, അവുറഗാമ്‌ക്കിര്‌ന്ത അദേ ണമ്പിക്കോഡെ പെ്ളേക്ക കാല്‌കെ്ളെഗാക്ക് ഗൂഡിത്തെ അദ് ഒറേപ്പാക്കിര്‌ക്കാദ്. എന്ത്‌ക്കെന്റ എല്ലാര്‌ക്ക്‌മ് അവുറഗാമ്‌ത്തെ പാട്ടനായിര്‌ക്കാ്.

<<സെയ്‌ദ കെ്ട്ട കാര്യാക്ക്‌മ് പാവാക്ക്‌മ് പൊറിമെ കെ്ഡേസിനവാര് ബാഗ്യക്കാറാര്, സെയ്‌ദ പാവാക്ക് ആണ്ടവാനോഡിര്‌ന്ത് പൊറിമെ കെ്ഡേസിനവാ് ബാഗ്യക്കാറാ്.>>

ആന സാമി സൊല്ലുസുലാക്കാത്തിലി എന്ത സൊല്ലിര്‌ക്ക്‌ദ്? <<അവുറഗാമ് സാമിന ണമ്പിനാ്. അദ്‌ണാലെ സാമി അയാള്‌ണ ണേര്‌മെക്കാറാനായി കണക്കാക്കിനാ്>> എന്ത്‌ത്തെ സൊല്ലിര്‌ക്ക്‌ദ്.