Աստվածաշնչի հայտնի հատվածներ ኀበ ሰብአ ቈላስይስ 2-ից

Կիսվել

ወበከመ ተወከፍክምዎ ለክርስቶስ እግዚእነ ቦቱ ሑሩ። ወተሣረሩ ወተሐነጹ ቦቱ ወጽንዑ በሃይማኖት ዘተመሀርክሙ ከመ ትብዝኁ በአኰቴቱ።

ዑቁ ኢይኂጡክሙ በጥበበ ነገር ዘይዬውሁ ለከንቱ በሥርዐተ ትምህርተ ሰብእ ለስሒተ ዝንቱ ዓለም ወአኮ በሕገ ክርስቶስ።

ወአንትሙሂ እለ ነበርክሙ ምዉታነ በኀጢአትክሙ ወበቍልፈተ ነፍስትክሙ አሕየወክሙ ምስሌሁ ወጸገወክሙ ኵሎ ኀጢአተክሙ። ወደምሰሰ ለነ መጽሐፈ ዕዳነ በሥርዐቱ እምዕድውነ ወአእተቶ እማእከሌነ ወቀነዎ በመስቀሉ።

ዘላዕሌሁ ኀደረ ኵሉ መለኮቱ በሥጋ ሰብእ። ወአንትሙሂ ኩኑ ፍጹማነ ቦቱ እስመ ውእቱ ርእሱ ለኵሉ መኰንን ወለኵሉ መንግሥት።

ዑቁ እንከ አልቦ ዘይግእዘክሙ ኢበመብልዕ ወኢበመስቴ ወኢበመክፈልተ በዓላት ወኢበአሥኅርት ወኢበሰናብት። እስመ ዝንቱ ኵሉ ውእቱ ጽላሎቱ ለዘሀለዎ ይምጻእ ወአልቦ ዘያስተአብደክሙ በእንተ ሥጋሁ ለክርስቶስ።