Աստվածաշնչի հայտնի հատվածներ Matiyə̈ 19-ից

Կիսվել

Jezü wûn andjê zoo ânyë kə̈ tô rə̂ sə̈ andjê päkëdə̂: «Rə ndə̂ sə̂nə̈ kâ tə̂ azü ndə̂kə̂ mbo rə̂, praâbalë sə̂nə̈ kâbo tə̂ Ndjapä-a.»

Käko andjë kä wâ bata tə̂ azü bïchuû-a, praâbalë andjë wâ nə̂ batə̂ akrə balë. Âwâbo pä akrə krʉ tchə̂lə̂ rə ndə̂ Ndjapä ngbô rə̂ ëtâ-a.»

Jezü tô rə̂ ndə̂nə̈ sə̈ andjê päkëdə̂: «Pö ndə̂ Mbëtï Ndjapä tô rə̂ alême nyë dɨ̂âbo rə̂? ‹Tə̂ dokʉ̈ nə̈, Ndjapä ndə̂ tche mbô rə gbɛ̂, tche mbö köchë la ɛ̈chë.› Tche tö rə̂ päkëdə̂: Bëte rə̂ kä ndə̂ köchë gboadje tchâtchâ bha nə̈ la anyï nə̈ ndə̂kə̂ sə la ɛ̈chë ndə̂ yê, ânyë andjê bïchuû gbɛ̂ wadje tə̂ akrə balë.

Jezü tô rə̂ sə̈ andjê päkëdə̂: «Nyë gbötə̂ abechë andjë nə̂ pu mê, nyë kïäbô kîtə̂ köbo tə̂ andjê, bëte Gbölö gö-gbïɛ̈ ndə̂ tchêlafô wätə̂ andə̂ andjanə̈ ndə̂ andjë wâ batə̂ abechë lâme.»

Angbängbä azü ndə̂ andjë wâtə̂ küma nə̈, andjê kadje atə̂ ngbânə̈, ânyë angbängbä azü ndə̂ andjë sə̂ atə̂ ngbânə̈, andjê wadje tə̂ azü tə̂ küma nə̈.»

Azü gbɛ̂ ndə̂ andjë gbôtə̂ nda ndə̂ andjê, ayîngâ andjê, anyînə̂ andjê, araabha andjê, araanyï andjê, abechë ndə̂ andjê la kɨ̈ndɨ̈ ndə̂ andjê bëte mê, andjê âkä gbo rə lâme sûsunə̈ ngbangbo balë, kə̂ gbo ndjë tchîsûwu ndə̂ logbɛ̂ logbɛ̂.

Jezü tô rə̂ sə̈ tchë päkëdə̂: «Âdə mo ânyində̂ kə̂ dâkâ gbɛ̂, amö gu, kə̂ ka arə gbɛ̂ ndə̂ mo wâ la rə̂, kə̂ kʉ makətche nə̈ sə̈ a-earə̂ yûkü, ânyë kə̂ gbo rə ngbânə̈ bhâ lafô. La tchêngbâ nə̈ mo nə ngbâ mê.»

Jezü tô rə̂ ndə̂nə̈ sə̈ tchë päkëdə̂: «Bëte giamâ kä ndə̂ mo yû mê pâ rə ndə̂ âwâtə̂ tchôtchô nə̈? Kütû rə balë kä ndə̂ âwâtə̂ tchôtchô nə̈. Âdə mo ânyində̂ kə̂ li âtə̂lə̂ tchîsûwu ndə̂ logbɛ̂ logbɛ̂, äwäpä mo mbo rə gundə̂sə̂ ndïɛ̈.»

Më kä tô rə̂ sə̈ nyê: Sə̂nə̈ kä tə̂ earə̂ rə ndə̂kə̂ li atə̂lə̂ Gbölö gö-gbïɛ̈ ndə̂ Ndjapä, kə̈ rô kə̂ li ndə̂ gia ndə̂ rə̈ yê wû pä chamö lə̂ grʉ̈ masângê.»

Më tö rə̂ sə̈ nyê: Âdə ngâ köchë âgro ɛ̈chë ndə̂ yê, ndə̂ tche pûâbo ngâ köchë ngbî pû-î, ânyë köchë nə̈ tô ngâ täfo ɛ̈chë, dëkë tche pû ɛ̈chë ndə̂ ngâ akrə nə̂.»

Jezü tô rə̂ sə̈ adjisîpili ndə̂ yê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, sə̂nə̈ kâkä tə̂ earə̂ rə ndə̂kə̂ li âtə̂lə̂ Gbölö gö-gbïɛ̈ ndə̂ tchêlafô.