Աստվածաշնչի հայտնի հատվածներ Keneses 17-ից

Կիսվել

Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.

Iei mine kosap chüen iteni Apram , nge kopwe iteni Apraham , pun üa awisok pwe kopwe semen chomong ainang.

Iwe, üpwe apwönüetä ai we pwon lefilei me ämi me mwirimwirum kana lon tettelir meinisin. Ai we pwon epwe nonom tori feilfeilachök pwe ngang üpwe om Kot, üpwe pwal än mwirimwirum kana Kot.

“Iei ai we pwon ngonuk: En kopwe semen chomong ainang.

Nge Kot a üreni Apraham, “Apwi, Sara pwülüom we epwe nöüni eman noum ät. Iwe, kopwe aita ngeni Isaak . Üpwe apwönüetä ai pwon esemwüch ngeni, pwal ngeni mwirimwirin kana.

Iwe, üpwe ngonuk pwal ngeni mwirimwirum kana unusen ewe fanü Kanaan ka wasöla lon. Iwe, repwe fanüeni ewe fanü tori feilfeilachök, nge ngang üpwe ar Kot.”

Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”

Iwe, Kot a pwal üreni Apraham, “Kosap chüen aita ngeni pwülüom we Sarai, nge kopwe aita ngeni Sara .

Oupwe sirkomsaisi ewe kükün inis. Iei asisilen ewe pwon lefilei me ämi.

Nge ai we pwon üpwe apwönüetä ngeni Isaak noum we, ätewe Sara epwe nöüni mürin eu ier.”

Oupwe sirkomsaisi iteiten ät, lupwen a tori walu ränin, seni eu täppin aramas tori pwal eu. Oupwe pwal sirkomsaisi ekewe amanau mi uputiu lon ämi kewe famili me chokewe oua möniir seni ekewe chon ekis, ir sap mwirimwirimi. Ir meinisin repwe sirkomsais. Iei usun ai we pwon mi fis won inisimi epwe nonom tori feilfeilachök.