Աստվածաշնչի հայտնի հատվածներ Matewu 24-ից

Կիսվել

Kutani rirhandzu ra lavotala ritasungula kutitimela, hikuva kuhomboloka kutava kuyandzile. Kambe lweyi angatatiyisela kufika makumu, hi yena lweyi angataponisiwa.

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.

Mitatwa huwa ya tinyimpi ni mahungundlela ya tinyimpi; tivoneleni lesvaku mingadzukisiwi, hikuva svosvo svifanela kuhumelela, kambe ahi wona makumu.

Tiko rin'wana ritapfukela tiko rin'wanyana, mfumu wun'wanyana wutalwa ni mfumu wun'wanyana; kutava ni tindlala, ni kutsekatseka ka misava matlhelweni lawa yotala. Kambe, svilo lesvi hinkwasvu i masungulu ya mahlomulu ntsena.

Tilo ni misava svitahundza, kambe marito ya mina mangakala mangahundzi.

“Hikuva lavotala vatata hi vito ra mina, mun'wana ni mun'wana aku: ‘Hi mina Kriste hi ntshima’, kutani vatakanganyisa lavotala.”

Nkarhini wolowo vataminyiketa akuxanisiweni, vamidlaya; mitavengiwa hi vanhu va matiko hinkwawu hikolaho ka vito ra mina. Nkarhini wolowo, lavotala vatakhunguvanyeka; vatahehlana hi xivona, mun'we atavenga mun'wana. Kutahumelela vaprofeta va mavunhwa lavotala, vatakanganyisa vanhu lavanyingi.

Yesu avahlamula aku: Tivoneleni lesvaku mingatshuki mikanganyisiwa hi munhu.

Hikolaho na n'wina, tshamani na milungile, hikuva N'wana-wa-Munhu atata hi nkarhi lowu mingawupimiseliki.

Hitekani ke, hikuva amitivi siku leri Hosi ya n'wina yingatata ha rona.

Loko rili siku rakona ni nkarhi wakona, aku na lweyi asvitivaka, hambi tili tintsumi ta le matilweni, hambi ali N'wana; kambe, svitiviwa ntsena hi Tatana.

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Kuvuya ka N'wana-wa-Munhu kutafana ni lesvi svihumeleleke masikwini ya Nowa. Hikuva masikwini wolawo, loko ndhambhi yingasiva kona, vanhu avali kujeni, vanwa, vachada ni kuchadisiwa, kukondza kufika siku leri Nowa angheneke ngalaweni ha rona; avangatwisisi nchumu kukondza ndhambi yifika, kutani yivakhukhuza hinkwavu. Svitava tano ni le kuvuyeni ka N'wana-wa-Munhu.