Աստվածաշնչի հայտնի հատվածներ MATIYUT 5-ից

Կիսվել

Aakumi nen ndi wuninogo punuk, togolowak abu'me kiraappugulik o. Ata, tiyarogon tena'me aret pegaatak me, it oome wonogwe nogo abok eya paga menggaarak o. It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

It o nggween paga menggaarak inenggela'me eya eeginako monggotak kit aret o. Ndi, o tini puurom paga wurik wonage kenok ti, kumaarak logogin lek o.

It aakumi iniki kikak naka'lek obeelom mban menggaarak nogo ti, Ala inigen kaagun aret me, iniki ale'nggen aret mbako logorak o.

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, it iniki mbakwi ndak-ndak a'me aret arit nage kogo logogun me, iniki ale'nggen aret mbako logorak o.

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, an nen, It kinom ogoorak monggotak nogo kiniki kunik eeginakwi, ndi, it piyak-payak eekinako menggaarak nogo, inake tamban eekwi, eeko logonip o, yinuk, yokkiragi o.

”It aakumi iniki tebenak menggaarak nogo ti, at mbogut paga mendek abu'me piyoorak it aret me, iniki ale'nggen aret mbako logorak o.

It aakumi inom ogoorak me, lambumbiigo menggaarak nogo ti, at Ala nen, Kit an napuri aret o, yoraagin me, iniki ale'nggen aret mbako logorak o.

It aakumi iniki puru aago menggaarak nogo ti, Ala nen iniki eyak wappiyaagin me, iniki ale'nggen aret mbako logorak o.

It obeelom lombok eekwi iinok, aakumi nen piyak-payak aganako menggaarak nogo ti, at mbogut paga mendek abu'me piyoorak it aret me, iniki ale'nggen aret mbako logorak o.

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, iniki ale'nggen aret mbako logorak o.

Kit awo lek kiigak, it aa'nduk Ala wone yorogo nogogwaarak nabi-nabi nogo piyak-payak aganako nogogwaarak pogom, kit togon, an nendage waganggotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok yogo logonet, yi maluk ndi maluk kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

It aakumi iniki yanggonak menggaarak nogo ti, ineyate Ala nen, Wokkiraagin o, yinuk, abok yoragagerak nogo aret kolaagun me, iniki ale'nggen aret mbako logorak o.

Wone ambinom yorage logonet, ”O nggween paga yime obeelom logowak nduk, mayu andi warak wurik pogom ti, kit aret kwe, mayu andi lek wurik kenok, nonggop agago andi warak eeriyak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom lombok a'nip o,” yinuk, yoragagerak.

Eeriyak mbakwi kenok, Eeruwok o, yogwe, ndi, eeriyak lek mbakwi kenok, Eeriyak nineebi o, yogwe, eeko logonip o. Ambinon inom nabenogo yuurak eekkinake nogo ti, at maluk eeke menggerak nogo nen aret yokkirage me, yoraagup o, yinuk, yokkiragi o,” yoragagerak.

”At Muta nen ari logonet, Kinigen ndagangginake kenok, onggo at enegen aret ndaganiyak o. Ndi, kineyak langgungginake kenok, onggo at eyak aret langguniyak o, yinuk, yoragagerak nogo muk kinaruk koneneegutak kwe, an nen perak, Maluk eeppinagagwi iinok, onggo inooriyak mage o. Kinagandin peenok abe'nggan kinooke kenok, peenok inom kinooruwak nduk, wogo'nip o.

Kineebe abeenok lek age kenok ti, op negen kwe, kineebe apit aret kani omoonuk wunuk mban ari minggim mbo nappinagarak ti, maluk me, kinigen peenok abe'nggan maluk eeriyak eekkinake kenok, kilirogo mbo nappuurak o. Kineebe abeenok lek age kenok ti, op negen kwe, kineebe apit kagak kani omoonuk wunuk mban ari minggim unggwi noorak ti maluk me, kineenggi peenok abe'nggan maluk eeriyak eekkinake kenok, mbanogo mbo nappuurak o,” yoragagerak.