Աստվածաշնչի հայտնի հատվածներ Yaya 7-ից

Կիսվել

Kit kiniki noba panggombunuk, abet nombakwi kiinok, Niyo kineenik eekkinake menggerak mendek kinikime nen eneeri kila-kila wungge logogin o, yinuk, Ala wone liiru mbaneegerak nogo ndak-ndak, kinikime nen aret wungge logogin o,” yoragagerak. (

Ti'nuk, age yobok togon laago nggwok lombok lakwi paga at Yetut mi'nage nagagerik, oone nggwok paga yorage logonet, “Wologo wae! Kit ambi niyo abu kenok, an nowagam na woraanip o.

Ti yoragagerak nogo ti, it aakumi nen iniki Yetut oba panggombunuk, abet ombakwi iinok, Aberiniki wogoroorak me nduk yoragagerak. Yetut awo tiyappega'lek kenok, at Aberiniki wogoraga'lek me nduk, yoragagerak.)

Alom liippega'lek kagak, etenggen paga mban liippunuk, maluk inoba piyoorak mage o. Ata, alom liippunuk, eekaarak onggo ndak-ndak aret inoba piyoorak op o,” yinuk, yoragagerak.

Aap ambit ambi at mbake paga wone yorage nogo ti, at endage nggwok aruwak nduk ari menggerak kwe, at nappi wagagerak endage nggwok aruwak nduk, wone yorage nogo ti, at pilit pugunit negeelik abet liirogon mban ari menggerak me, maluk inikime wonage abu lek aret o.

Yogo mbareegwa, at Yetut nen, “An wone mamunggirage minggirak nogo ti, an mbake paga mamunggirageelik o. Ata, at nappani wagagerak nogo nen yo'nege kagak, mamunggirage minggirak o.

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.