Աստվածաշնչի հայտնի հատվածներ Ŋirom. 12-ից

Կիսվել

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Kiurya ŋuna aronok nyikireut iyoŋ, nai toreu ikes kan ajokis.

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Kitiyata alowae kus ŋuna ipedorete, ikotere iboiyete ka ŋituŋa daadaŋ isilito.

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

Kitiyata ka agogoŋu ka nyikalanyaka. Kitiyata etic ke Ekapolon a ŋitai a ŋulu einakina kire.

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ani kitiya ituŋanan ŋuna aronok neni kus, nyinyaŋasi ka aronis. Kikatakisi iyes akitiya ŋuna ejoikinito ŋituŋa daadaŋ.

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Nai akilo kitiyaete ikwaŋina ebaakatar Ŋakigireta ebe, “Ani kenyamit akoro ekonimoit, kisimuj; ani kenyamit akure, kitamat; anerae ani kitiya iyoŋ ikwaŋina, isurumi iyoŋ iŋes ŋileec.”

Kilipa Akuj kiterereŋ ŋulu ikisicanete iyes; ee, kilipa iŋes kiterereŋ; nyicenete ikes! Tolakara kaapei ka ŋulu elakara, kigworo kaapei ka ŋulu igworosi.

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

Ikiyakar iwon ŋinerin ŋulu alalak anakuwan ka apei ka eyakar ŋolokiner etic keŋ. Ikwaŋinapei, iwon daŋ tari kikilalak, ikirae akuwan apei anakimorikina ka Kristo, ido ikirucokina iwon daadaŋ iwapei ikirae ŋinerin ŋulu egelegelya ŋulu ka akuwan ka apei.