Աստվածաշնչի հայտնի հատվածներ Матфеё 24-ից

Կիսվել

и пал-дова́ со явэ́ла буты́р чорипэ́н, бут мануша́ мэкэ́на тэ сыкавэ́н паты́в екх екхэ́скэ. Нэ кон вырикирэ́ла саро́ кэ ко́нцо (кэ яго́ро), кодова́ зракхэ́лапэ.

И явэ́ла тэ пхэнэлпэ бахталы́ зан (звесь) пал Дэвлэ́скиро Кралипэ́н пир саро́ свэ́то сыр допхэныбэ́н ваш сарэ́ на́цыи; и тэды явэ́ла ко́нцо (яго́ро)!

И тумэ́ явэ́на тэ шунэ́н пал марибэ́н и ракирибэна пал марибэна. Дыкхэ́н, на страхадён; саро́ дава́ трэй тэ явэ́л, нэ дава́ ишчо (инкэ́) на ко́нцо (на яго́ро).

Пал-дова́ со ґаздэ́напэ мануша́ пэ манушэ́ндэ и кралипэ́н пэ кралипэ́н, и бокха явэ́на, и мэрибнытка фра́нсы и пхув явэ́ла тэ тринскирэлпэ пир штэ́ты. Саро́ кадава́ явэ́ла анги́л сы́рбы дукха́, дрэ саво́ нэво́ свэ́то бияндёла.

Болыбэ́н и пхув проджа́на, а лава́ Мирэ́ на проджа́на.

Пал-дова́, со бут явэ́на Мирэ́ лавэ́са, ракири́: ‘Мэ сом Христо́со,’ и хохавэна бут манушэ́н.

Тэды явэ́на тэ здэн тумэн пэ мэ́ньки и мулякирэна тумэн, и явэ́на тэ на сыкавэ́н паты́в тумэ́нгэ пал Миро лав. И бут тумэ́ндыр мэкэ́на тэ патя́н, и явэ́на тэ здэн екх екхэ́с, и явэ́на тэ на сыкавэ́н паты́в екх екхэ́скэ; и явэ́на бут хоханэ́ проро́ки и хохавэна бут манушэ́н

И отпхэндя́ Ису́со и пхэндя́ лэ́нгэ: “Ракхэ́нпэ, соб (кай) нико́н тэ на хохавэ́л тумэн.

Палдава́ явэ́н тумэ́ адя́кэ-паць скэдынэ́, пал-дова́ со Чхаво́ Манушэ́скиро явэ́ла дрэ дасаво мардо́ (шту́нда), со тумэ́ на думинэ́на.

Ракхэ́нпэ, пал-дова́ со на джинэ́на, ке́ли явэ́ла тумаро́ Рай Дэвэ́л.

Нэ нико́н на джинэ́ла ни дывэ́с, ни мардо́, ке́ли саро́ дава́ явэ́ла, ни болыбна́скирэ Янго́лы, ни Чхаво́, а екх Дад джинэ́ла.

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

И, сыр сыс дрэ долэ́ дывэса́, ке́ли сыс Ноё, адя́кэ-паць явэ́ла Чхаво́ Манушэ́скиро. Палдава́ со, сыр анги́л потопо мануша́ ханэ́ и пинэ́, лынэпэ и джа́нас палоро́м анги́л дова́ дывэ́с, дро саво́ Ноё загия́ дро ковчэго, и на ґалёнас, пака яця́ патопо и на лыджыя пэ́са лэн сарэ́н, адя́кэ-паць явэ́ла Чхаво́ Манушэ́скиро.