Աստվածաշնչի հայտնի հատվածներ Kada Bulawan 4-ից

Կիսվել

Jagai meloi to penawammu, nasaba' pole llan mai penawammu to mpattantu katuoanmu.

Pikkiri' meloi jolo' to akkatta la mupugauk, nakeassele' melo to panggaukanmu.

Danggi' lalo mumangkada tangtongan, danggi' namessun jio timummu to kada pangnguraga.

Ia to kaminang parallu iamo to kamaccan jaji pengkulleii muampa'i, na sininna to apa mupangngattai ia to kaminang parallu iamo to nnampui kamapahangan.

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo. Apa ia to katuoanna to togaja' butung kamalillinan, te'da nakitai to la mpatitodoi.

Kamali'i to kamaccan naparakaii to katuoanmu, danggi' mupaboko'ii penawa, nalendungngiko.

Pentoei mandikki to pangpangngajah mangka kupauanko, danggi' ra'pananni. Parakai meloi, nasaba' iamo garonto'na katuoanmu.

Danggi' mupeula'i panggaukanna to togaja', danggi' muturu'i lalan katuoanna.

Ee sininna bati'ku', pesa'dingngii tee pangpangngajahna ambe'mi! Parinawa meloi miampui kamapahangan