Աստվածաշնչի հայտնի հատվածներ Matius 7-ից

Կիսվել

Mangngajahhimi Puang Isa nakua, “Peta'dai lako Puang Allataala to miparalluinna, ammidiben. Angahhi to miparalluinna, ammiampa'i. Peta'dai ammidiben, susi to tomangdedek la ditimbakan bola.

Nasaba' ia to tometa'da lako Puang Allataala la dibenni, na ia to tonnangahhi la naampa'i, na ia to tomangdedek la ditimbakanni bola.

Mangngajahhimi Puang Isa nakua, “Iamo joo, ia to tompesa'dingngii tee kadang-Ku', napugaukki, iamo dipasusi tomandalan tangngah to mpake'deh bolana jao pondasi batu.

Pugaukki lako padammi rupa tau, to apa mikadoangngi napugauk tau lako kalemi. Nasaba' iamo joo to dipangpangngajaran lan sura'na Nabi Musa sola sura'na nabi laen.”

Apa gaja si'pi' to babangan na si'pi' too to lalan diola lako katuoan melo te'da cappa'na, na ci'di'ra tau to nnampa'i.”

Mangngajahhimi Puang Isa nakua, “Nnola tama kamu' babangan si'pi', nasaba' maluah to babangan na maluah too to lalan diola lako naraka na buda tau nnolai.

Jaji, moi mitogaja', la miissen mbenni to melona lako anakkami, apa pole'raka to Ambe'mi Puang Allataala jao suruga la mben kamu' to miparalluinna, ke meta'da kamu'.

Mangngajahhimi Puang Isa nakua, “Danggi' mipasala padammi rupa tau, anna danggi' napasala kamu' Puang Allataala. Nasaba' ia to minii mpasala tau, ia toda la napasalan kamu' Puang Allataala. Ia to pesuka' misukatan tau, la napake too Puang Allataala ssuka' kamu'.

Apa ia to tossa'ding kadang-Ku', na te'da napugaukki, iamo dipasusi tobango' mpake'deh bolana jao bungin.

Ciapari mikitai to bulicak lan matanna padammi rupa tau, na kaju sangbatang lan matammi te'da misa'dingngi. Umbo la mikua mangkada lako padammi rupa tau, ‘Ake'mo na aku' nnalaii tuu bulicak lan mai matammu’ nasitonganna den kaju sangbatang lan matammu.

Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna. Jio mai panggaukanna la minii nnissen tonganni kumua indara ia. Duri kamban te'da namembua anggoro', na pangngala duri te'da namembua ara.

Ia to kaju melo, melo toda buanna. Apa ia to kaju gaja', tangmelo toda buanna.

Te'da nakullei to kaju melo la gaja' buanna, ba'tu kaju gaja' la melo buanna.

Ia to kaju gaja' buanna, la dita'bangngi ngasan, nadisumpun.