Աստվածաշնչի հայտնի հատվածներ Matiee 15-ից

Կիսվել

Lɩ nyɔ-ɔ popoꞌa ꞌgwlʋti, ɔ-ɔ nʋꞌa, ɔ-ɔ zaꞌa ꞌmʋ, ꞌɩnnɩ po ꞌɔ ꞌꞌnyinyninyɔ ꞌbho -Lagɔꞌɔ ꞌꞌyigbeyi. ꞌLe nyunyɔꞌɔ -pɔlʋ ꞌzɔ, ꞌle-e ꞌꞌnyinyninaagɩ-ɩ ꞌwlʋꞌo, ꞌɩnnɩ ꞌꞌtuuꞌo nyɔ ꞌle ɔ-ɔ nʋꞌo ꞌꞌnyinynidɩ -nɩɩ: ꞌLe nyɔ-ɔ ꞌlbhaꞌa ꞌꞌku, ꞌle ɔ-ɔ ꞌyeꞌe -yranynɔbha, ɔ-ɔ ꞌꞌwɩlɩꞌo, ꞌle ɔ-ɔ ꞌꞌyriꞌo, ɔ-ɔ cɛꞌɛ sɩn, ɔ-ɔ nyniꞌe nyʋꞌa ꞌnynɩ wɔn.

Ɔ nʋꞌa -kaa, ɔ ꞌpo-o ꞌꞌyi -lue ꞌle ɔ na: Lililɛ nyɔ-ɔ liꞌa, ꞌɛ po nyɔ ꞌꞌnyinyninyɔ ꞌbho -Lagɔꞌɔ ꞌꞌyigbeyi. Lɛ-ɛ ꞌwlʋꞌa ꞌle nyɔꞌɔ -pɔlʋ ꞌzɔ, ꞌɩnnɛ po ꞌɔ ꞌꞌnyinyninyɔ ꞌbho -Lagɔꞌɔ ꞌꞌyigbeyi.

-Lagɔ na: ꞌBho -mɩɛ ꞌꞌyi ʋ-bʋ nyʋ -nʋʋ ꞌbhle -nɩꞌe ꞌan ꞌnynɩ, ꞌwa -pɔlʋ se ꞌɩnmʋ ꞌꞌyi -nɩ -ka -zɛgɛka. -Bho koo ʋn bʋbɔ ꞌɩnmʋ kplokplo, bhebhelɩ moꞌo, -ɛkedɩmaa, nyunyuꞌa ꞌliticɛdɩ ʋn-ʋ tɔꞌɔ nyʋ, ꞌɩnnɩ ʋn-ʋ ꞌlaꞌa ꞌan wlu.

ꞌLe Zezii na: A ꞌde-e ꞌɩnmʋ ꞌꞌgwli -ziaka. -Ka a ꞌybhaꞌa a, ɛ -nɩ -kaa ꞌmʋ! ꞌBho -gbaa -lue ꞌmnɛ ꞌmʋ ꞌꞌnyinynidɩꞌa -zuzu ꞌwlʋꞌo ꞌwa ꞌꞌyu ꞌmʋ-ɛ. Ʋn ꞌpʋn-oꞌo.

ꞌNynaakpʋ ꞌmnʋ nʋꞌa -kaa, ʋn ꞌnyni -ɔ li, ʋn ꞌpo -ɔ ꞌkolri wɔnyi glu ꞌle ʋn na: ꞌAn -Kɔyi, -kpa ꞌɩnmʋ! A -gblee, ɔ na: Ɛ se ꞌꞌyrili-nmɔ -ɩn ꞌke ꞌꞌyreetɩ lililɛ wɔn ꞌꞌyi -za -ɩn ꞌke ɛ gbi ꞌꞌnyɩ. (-Ɛ -ke dɩ ɔ ꞌlʋ ꞌʋ -kaa ꞌꞌyi, ꞌɩnnɛ ꞌmo-o ʋn -se *ꞌZuifʋnynaakpʋ -ko.) ꞌLe ʋn na: Kɩn, ꞌan -Kɔyi, -ziadɩ moꞌo. -Bho ɛ -nɩ -kaa a, -bho gbeꞌa -yowli -ka li, lililɩꞌa kɔtɩ ꞌgaꞌa ti, gbe -mnɛɛ-ɛ li-oꞌo o!