Աստվածաշնչի հայտնի հատվածներ МатӀай 6-ից

Կիսվել

Гьавиляй сифте куьне Аллагьдин Пачагьлугъ ва Адан гьахъ-михьивал жагъура. Амайди Ада квез кӀукӀни алаз гуда.

Гьа икӀ, пакагьан йикъан къайгъу чӀугвамир, адан къайгъуда пака хьухь. Къенин юкъуз къенин къайгъуярни бес я.

ГьакӀ хьайила За квез лугьузва: вуч недатӀа ва я вуч хъвадатӀа лугьуз, жуван чан патал ва вуч алукӀдатӀа лугьуз жуван беден патал къайгъуйрик жемир. Чан тӀуьнилайни, беден пекерилайни артух тушни?

Дуьа ийидайла, жуван кӀвализ гьахьна, рак агална жуван таквазвай Бубадиз дуьа ая. Чинебанди аквазвай ви Бубади ваз суваб гуда.

Дуьа икӀ ая: Цавараллай чи Буба, пак хьурай Ви ТӀвар! На пачагьвал ийидай алукьрай чӀавар. Цаварал хьиз, чилелни къадим хьуй Ви къаст.

Чи гьар йикъан са кап фу къемаз це На чаз.

Чпел буржар алайбурлай къахчунвайтӀа гъил чна гьикӀ, ГьакӀ Вунани чал аламай буржарилай гъил къахчу.

Темягьрикай яргъаз ая, шийирдикай хуьх На чун. Куьз лагьайтӀа Вуна чаз ийидай а чӀехивал – гьам къуват, гьам даиман баркалла я асирра. Амин.

Куьне квек тахсир кутазвайбурулай гъил къахчуз хьайитӀа, цавараллай куь Бубадини квелай гъил къахчуда.

Къушариз килиг: абуру я цазвач, я гуьзвач, я бегьер хуьдай чкайра кӀватӀзавач, амма цавараллай Бубади абуруз тӀуьн гузва. Куьн къушарилай артух тушни мегер? Квезни Аллагьди гуда!

И дуьньяда девлет кӀватӀмир; и дуьньяда ам гъуьчӀрени муьрхъуь тергда, угърийри атана, ви девлет чуьнуьхда. Девлет жуваз цаварал кӀватӀа, ана ам я гъуьчӀре, я муьрхъуь тергдач, я угърийри атана чуьнуьхдач. Ви девлет гьина аватӀа, ви рикӀни гьана жеда.

Гьич садавайни кьве агъадиз къуллугъ ийиз жедач: абурукай сад кӀан хьайитӀа, муькуьди такӀан жеда; садаз вафавал хвейитӀа, муькуьдаз – жедач. Аллагьдизни пулуниз квевай сад хьиз къуллугъ ийиз жедач.

Къе никӀяй экъечӀна пака къулаз вегьидай векь Аллагьди гьикӀ чӀагурзаватӀа килиг! Ада а векь квелай артух чӀагурзавани, эй иманда зайифбур!

Садакьа гудайла, вуна ийизвай хъсанвал акьван сир кваз хьурай хьи, гьатта ви эрчӀи гъили ийизвайди чапла гъилиз чир тахьурай. Вуна сир хвена ийизвай хъсанвал аквазвай Бубади ваз суваб гуда.

Килиг гьа, инсанар алай чкадал жува жув къалурун патал, хъсанвилер ийимир, тахьайтӀа цавараллай куь Бубадин патай квез суваб къведач.

Сив хуьдайлани, кьве чин алайбур хьиз, пашмандаказ акъвазмир. Чпи сив хуьзвайди инсанриз акурай лугьуз, абуру чпин чинар чӀурда. За квез рикӀивай лугьузва хьи, гьахьтинбурални чпин эвез агакьнава. Вуна, сив хуьдайла, жуван кьиливай чӀем гуьцӀна, чин-гъил чуьхуьх. АкӀ авуртӀа, вуна сив хуьзвайди садазни чир жедач. Вуна сив хуьзвайди ваз таквазвай ви Бубадиз аквада. Чинебанди аквазвай ви Бубади ваз суваб гуда.