Աստվածաշնչի հայտնի հատվածներ HEBREOS 12-ից

Կիսվել

Niźaśa ućhumnakki, Yöśkin wakchi thapa quśtan qamñi źoñinakaź muytata źelhćha, neqhśtan ućhumnakki thappacha ni ućhumnak aqñi ćhhultaqinaka tshi qhutñiź nonźla, niźaśa ućhumnaka uj päśnakami, neqhśtan ućhumnakki paśinśiźtanź ti uśhka thonñi qamañkiś qamla. Niźaśa ućhumnakki Jesusiźkinpanź cherźla, xalla ni ućhumnaka thapa quśki nïźkiśtanź thonćha, niźaśa nïćha źkayi quśśiś khisqatñiki. Niźaśa Jesusaki ni kuruśha awantichićha, ana ni aśi tikhśkiśtan aśku, niźaśa Jesusaki ni t'aqhiśiźku kuntintu niźaśa chipchi khiś śiśatćha; neqhśtan Jesusaki Yöś julś źewqhuttan julśićha.

Niźaśa anaź xaqhsilta kaśtiku thänmi khjusaki, ans nïkipanź miśqatćha; niźaśa tshi źoñiki ni chïźinta katoqićhax nïki, nïź qamañaki śuma śoq'u qamañaćha.

Niźaśa anćhukki thapa źoñinakźtan śuma ch'uwa qamañchiśpanź khispeka; niźaśa ana źkayi quśtanaki anaź jëkhmi ni Yöś Tata cheri atasaćha.

Niźaśa anćhukki ni Jesuscriśtuź qamtaź khuñśna, ni uj päñi źoñinakaki Jesusa añcha t'aqhisqatchićha; xalla niźtikiśtan anćhukki anaź oćha niźaśa anapanź qiwsna.

Niźaśa ni Yöś irpiś wathaki ućhunkiś thätaćha, xalla ni irpiś wathaki anaź qisqatta khesaćha. Ućhumnakki xalla tïźkiśtan Yöśkin sparakiź khila, niźaśa ućhumnakki Yöś quś pekchukaź amtila.

Niźaśa anćhukki anćhuka quś askichta khiśxapaź t'aqhiśi: Yöśki anćhuk nïź matiźtaqaś añcha pekćha. ¿Xaqhsilta matit epiź ana ujźta źelasaxo?

Niźaśa ućhumnaka Yöśki, tshi thapa ujñi ujźtaqaśśa.

Niźaśa ućhumnaka mä ephki ti yoqkiś qamkan ućhumnak ixwt'iñitaćha, ninakź śuma pinsitakama; ans Yöśki ućhumnak ni irata źkayi quśśiś śuma qamañchiś khexuź ixwt'ićha.

Niźaśa anćhukki ni uj päśkiśtan t'aqhiśkan, imaśipan tikhśkiś thonchinćhukćha